VOV4.Jarai-Khua mua git gai anom bruă pơ ala mơnuih ƀôn sang hăng jơnum min mơnuih ƀôn sang Gia Lai pơphun jơnum mă yua Sang ngă pơnang čih anăn gru đưm  hơkrŭ mơ̆ng Jơnum min pơ ala mơnuih ƀôn sang hăng Jơnum min mơnuih ƀôn sang tơring čar Gia Lai mơ̆ng thun 1968 truh thun 1975 ƀơi plơi Tăng Lăng, să Krong, tơring glông Kƀang.

Trơ̆i bơnal mă yua sang pơnăng anih hơkrŭ Jơnum min pơ ala hăng jơnum min mƀs Gia Lai

Anih gru hơkrŭ đưm anai, yom biă mă ră ruai glăi kơ bruă hơkrŭ ƀơi tơring čar Gia Lai mơ̆ng thun 1955-1975. Pơ anai, hơdôm anom bruă git gai pơprong tơring čar dŏ mă bruă hơdôm thun blan ngă  hơkrŭ blah ayăt Mi kơtang tit; amăng anun anom bruă pơ ala mơnuih ƀôn sang hăng jơnum min mơnuih ƀôn sang ngă hơkrŭ tơring čar.

Tơdơi kơ 2 blan pok pơhai, ring bruă ngă giong laih ƀrô djơ̆ tal Hơdor glăi tal 46 thun hrơi pơklaih rơngai tơring čar Gia Lai  lơ 17/3, sang dưm pơnăng čih anăn bruă hơkrŭ Jơnum min pơ ala mơnuih ƀôn sang hăng jơnum min mơnuih ƀôn sang Gia Lai dưi man pơdong ƀơi anih rơhaih 1 hektar, prăk tuh pơ alin 2 klai mơ̆ng prăk lu sang bruă kơnuk kơna djru hăng anom bruă sĭ mơdrô pơpha brơi.

Nay Jek : Pơblang