VOV4.Jarai - Mơguah lơ 28/5, ƀơi Hà Nội, Khul hlăk ai mut phung rơnuk Hồ CHí Minh gum hrŏm hăng Jơlan hơdră pơđĭ kyar sang gum hơbit djop dêh čar ƀơi Việt Nam (UNDP) pơphun pơplông “Hlăk ai thâo pơčeh phrâo amăng pơgang ayuh hyiăng” mơng anai truh abih blan 8 pơ anăp anai. Ƀing mơnuih nao pơplông lĕ ƀing hlăk ai mơng 16 thun truh 35 thun, lĕ mơnuih ƀon sang Việt Nam glăk dŏ hơdip ƀơi dêh čar Việt Nam. Hơdôm tơlơi pơplông mơ-it nao khul čom puang bơdjơ̆ nao bruă: hlăk ai hăng hơdôm hơdră por pơhing thâo rơgơi kiăng kơ thâo wai pơgang ayuh hyiăng; hơdră plai ƀiă ayuh hyiăng ƀu klă ngă ƀudah plai ƀiă hyuh hơƀak jrăk; hlăk ai pơphun bruă mă hăng hơdôm bruă bơwih ƀong sĭ mơdrô hrŏm hăng wai pơgang ayuh hyiăng hăng hlăk ai ba tơbiă hơdră bong glăi ayuh hyiăng ƀu klă ngă.

Siu Đoan: Pơblang