VOV4.Jarai - Hro\m hăng dêh ]ar ta, mơnuih [on sang djuai ania M’nông [ơi kual Dap Kơdư glăk anăp nao Jơnum ping gah dêh ]ar tal 13. Rơngiao kơ bruă bơkơtưn ngă hmua pla pơjing, prăp lui kơ Tê|t ngui ngor thun phrâo mơ-ak mơ-ai, neh net wa thâo pơmin ngă hro\m hăng ling tơhan pơgang rơnuk rơnua plơi pla, gum pơgôp kiăng mông Jơnum ping gah dêh ]ar truh kih.

Dik dăk ngă bruă, biă `u le\ bruă mă mơng hlăk ai [ơi kual Dap Kơdư glăk anăp nao Jơnum ping gah dêh ]ar tal 13, hăng hơdôm ring bruă, bruă ngă rơđah rơđông. Ayong Y Arôn, Khua hlăk ai rơnuk Hồ Chí Minh să guai lo\n ia Thuận An, tơring glông Dak Mil, tơring ]ar Dak Nông brơi thâo:

“C|ơkă jơnum Ping gah, hlăk ai tơdăm dra să Thuận An jak iâu, pơtô ba mơnuih [on sang atôl hla kơ hơ-ơc\ hmưi Jơnum Ping gah dêh ]ar truh kih hăng c\ơkă thun phrâo. Lơ\m klin Covid-19 glăk ngă tơnap, să Thuận An hơmâo jơlan guai hăng dêh ]ar pơko\n dong, [ing gơmơi ngă hro\m hăng Puih kơđông tơhan pơgang guai Thuận An, pơtô brơi neh met wa pơgang hlâo hu\i klin lar hyu, laih dong bơtơhmal khut khăt [ing nao rai c\a c\ot [ơi jơlan guai. Hơdôm hrơi giăm tê|t, gơmơi ăt ngă hro\m hăng hơdôm puih kơđông tơhan tơring glông Dak Mil kih rơmet jơlan hơdjă, pơhlôm rơdêh nao rai mơ-ak hloh, c\ong jah phun kyâo ngă mơrok [ơi jơlan pioh c\ơkă thun phrâo”.

Amăng hrơi mông mơ-ak mơ-ai amăng ako\ thun phrâo 2021, hơ-ơc\ Jơnum ruah khua ping gah dêh ]ar tal 13 ăt pơ[uh rơđah [ơi să kual ataih Dak Phơi, tơring glông Lăk, tơring ]ar Dak Lak. Pơtrut gru grua hơkru\ mơng să tơhan sông kơtang amăng rơnuk blah ngă, mơnuih [on sang djuai [iă [ơi anai lêng thâo pơmin hơdip rơnôm, thâo gum pơgôp nao rai, pơgang rơnuk rơnua plơi pla. Tha plơi Y Krai Cil (djuai ania M’nông) do\ [ơi buôn Jie Yuk, să Dak Phơi pơ[uh tơlơi gơgrong bruă mơng `u hăng Jơnum ping gah dêh ]ar:

“Kâo le\ tha plơi amra pơtô brơi kơ ană plơi pla tơdơi kơ anun jơnum plơi pla kâo lăi pơthâo giăm truh hrơi Jơnum Ping gah, pran jua gum wai pơgang rơnuk rơnua hơđong kơjăp amăng plơi pla, tal 2 dong le\ pơgăn [ing mơnuih plư plec\, ngă prung [ing ta, pơtô brơi neh met wa ngă tui klă tơlơi pơtrun mơng Ping gah”.

{ơi să Dak Ndrung, tơring glông Dak Song, tơring ]ar Dak Nông, hơdôm hrơi anai bruă c\ơkă Jơnum Ping gah dêh ]ar hơmâo pơdah hăng ia iom hla gru mriah pơtu\ kơ`^ [ơi djop glông jơlan, [ơi djop plơi pla. Ơi Điểu Khánh Rin – Khua Jơnum min mơnuih [on sang să Dak Ndrung brơi thâo, rơbêh ha blan anai, [ơi să hơmâo lu bruă c\ơkă mông Jơnum Ping gah. {rô bơkơtưn ngă hmua pơkra gơnam ako\ thun phrâo 2021, [rô pơphun bruă ngui ngor adoh suang – bơkơjăp drơi jăn, ngă hrơi anai jing mơ-ak mơ-ai biă yơh.

“C|ơkă hrơi Jơnum ping gah dêh ]ar, să Dak Ndrung gơmơi ăt pơphun hơ-ơc\ hmưi mơn. Să ăt pơtô kơ mơnuih [on sang thâo hơdră djru mơng Ping gah, Kơnuk kơna hăng bruă hơmâo amăng lo\n ia; laih dong kho\m pơhlôm hơđong kơjăp plơi pla. Gơmơi pơphun bruă ngui ngor adoh suang. Hro\m hăng anun le\ bruă bơkơjap drơi jăn, c\ơkă Ping gah c\ơkă bơyan bơnga. Rơđah biă `u le\ pơplông đă boh long, pah boh lông kơplah wah plơi anai hăng plơi adih. Mơng anun ngă mơ-ak nao rai, hơdip rơnôm hloh dong kơplah wah hơdôm boh plơi hăng hơdôm anom bruă pơtruh ngă adơi ayong. Ăt mơng anun mơn, kiăng kơđiăng hloh [ing pơc\ut pơc\ao, pơblư\ kơnuk kơna, pơhlôm hơđong rơnuk rơnua [ơi plơi pla”.

Tơhan pơgang guai hro\m hăng mơnuih [on sang atôl hla kơ c\ơkă mông Jơnum Ping gah.

{ơi să guai lo\n ia Quảng Trực, tơring glông Tuy Đức, Anom git gai tơhan pơgang guai Dak Nông ngă hro\m hăng Vietinbank Dak Nông pơphun Ngui ngor adoh suang “Tơlơi adoh bơni kơ Ping gah” c\ơkă Jơnum Ping gah dêh ]ar ta tal 13. Anai le\ bruă ngă ba glăi tơlơi hok mơ-ak, pơsur pran jua khua mua, mơnuih ping gah hăng mơnuih [on sang [ơi guai lo\n ia bơkơtưn hrăm hră, bơrơguăt drơi jăn, ngă hmua pla pơjing, gir ngă dưi djop tơlơi kiăng ngă, bruă pơđ^ kyar bơwih [ong huă – mơnuih mơnam. {ơi mông ngui ngor, Tơhan pơgang guai tơring ]ar hăng Vietinbank Dak Nông hơmâo brơi 60 anung gơnam, 60 blah hla kơ Dêh ]ar, 60 pok rup Wa Hồ kơ hơdôm boh sang ano\ hơmâo kơnuk kơna djru, sang ano\ tơnap [ơi să Quảng Trực, tơring glông Tuy Đức, Dak Nông.

Hơdôm tơlơi adoh suang bơni kơ Ping gah, Wa Hồ.

Thượng tá Y Thảo Buôn Krông, Kơ-iăng khua wai lăng bruă kơđi ]ar, Anom bruă git gai tơhan Dak Nông brơi thâo, anom bruă hơmâo pơphun bơkơtưn bruă blah hơdec\ mơng tơhan pioh c\ơkă hrơi Jơnum khua mua Ping gah dêh ]ar tal 13 hăng anăn “Ngă bruă hiam pơyơr kơ Ping gah”, hro\m hăng lu tơlơi hơmâo ngă, tơlơi pơkă hơmâo abih bang anom bruă, ling tơhan hur har pran jua ngă tui. Hơdôm bruă anăp nao mông Jơnum ping gah hơmâo gưp ping gah, khua git gai djop anom bruă tơhan blah ngă tơring ]ar pok pơhai ngă [ơi abih bang. Amăng anun bruă pơtô pơblang hơmâo ngă kơtang, djru ba [ing khua, ling tơhan thâo hluh dlăm hloh tơlơi gơgrong bruă mơng Ping gah Cộng sản Việt Nam laih anun tơlơi yôm pơphăn mơng mông Jơnum khua mua Ping gah dêh ]ar tal 13.

Quốc Học – Y Sưng: C|ih – Siu H’Mai: Pơblang