VOV4.Jarai - Lơ 12/3, ƀơi să Hòa An, tơring glông Phụng Hiệp, tơring čar Hậu Giang, Kông ti pơčruih ngăn Halcom Việt Nam hăng grup Shizen Energy (Japan) pơphun ngă lơphet pok sang măi apui lơtrik hrĭp pơ-iă yang hrơi Hậu Giang. Ơi Trần Thanh Mẫn, Khua jơnum min djop djuai ania mơnuih mơnam Việt Nam nao jơnum hrŏm. anai lĕ ring bruă apui lơtrik hrĭp pơ-iă yang hrơi blung a hơmâo pok mă yua, pơđuăi apui lơtrik mut hrŏm hăng hrĕ apui lơtrik dêh čar ta ƀơi kual lŏn ia dăo Cửu Long.

Mông ngă lơphet trơ̆i bơnal pok sang măi

Sang măi apui lơtrik hrĭp pơ-iă yang hrơi Hậu Giang hơmâo abih tih prăk tuh pơ alin lĕ 700 klai prăk. Pơhrui him lăng giăm 80 klai prăk ha thun. Anai lĕ akŏ bruă sang măi apui lơtrik hrĭp pơ-iă yang hrơi blung a mă yua ƀơi tơring čar Hậu Giang, pơgôp tŭ mă tơlơi gal mơng pơ-iă yang hrơi ƀơi Hậu Giang hăng lăp djơ̆ hăng hơdră pơđĭ kyar apui lơtrik ƀơi Việt Nam djơ̆ hăng tơlơi pơsit mrô 55- NQ/TW mơng Ding jum kơđi čar kah hăng hơdôm akŏ bruă hrŏm mơng bruă apui lơtrik hrĭp pơ-iă yang hrơi ƀơi Hậu Giang.

Siu Đoan: Pơblang