VOV4.Jarai - Rơwang hrơi tơjuh rơgao, gah yu\ tơlơi git gai mơng Khoa – Khoa GGWLPA m[s dêh ]ar ta yă Nguyễn Thị Kim Ngân, Jơnum min apăn bruă Khoa pơ ala m[s dêh ]ar ta hmâo pơ phun mông jơnum tal 19.

Amăng anun, gum pơhiăp kơ bruă pơsir duh noa lom hmâo sang do#, ring bruă do\ng gah rơngiao kual mă yua man pơdo\ng bơdjơ\ nao yua lom ngă tui, pơdo\ng hơdôm rơwang bruă pơkra glăi, pơhư prong Jơlan mrô 1 ]ra\n Thanh Hoá – Cần Thơ hăng jơlan Hồ Chí Minh ]ra\n găn kual }ư\ Siăng, Jơnum min apăn bruă Khoa pơ ala m[s dêh ]ar ta lăi le\, [u mă yua ngăn drăp Kơnuk kơna pioh pơsir bruă duh noa hơdôm ano# răm rai mơ\ Kơnuk kơna kơnong kơ kiăng git gai pel e\p to\ng ten bôh than `u pioh pơsit bruă gơgrong duh noa, pơhlôm djơ\ hăng tơlơi pơkă amăng tơlơi phiăn.

Kơnuk kơna brơi thâo: yap him lăng hmâo rơbêh kơ 35 rơbâo bôh sang ano# m[s bơdjơ\ nao yua kơ lom ngă tui, pơdo\ng hơdôm rơwang bruă pơkra glăi, pơhư prong Jơlan mrô 1 ]ra\n Thanh Hoá – Cần Thơ hăng jơlan Hồ Chí Minh ]ra\n găn kual }ư\ Siăng hăng pơkă hlâo prăk mă yua duh noa do\ng gah rơngiao bruă gơgrong pơgang ba yua kơ pô tuh pơ plai blơi le\ 167 klai prăk.

Yua anun, kiăng hmâo djop gru than djơ\ tơlơi phiăn pok pơhai ngă tui, pơhlôm hơđong tơlơi hơd^p mơda, bơwih [ong huă mơng m[s bơdjơ\ nao, be\ bruă [om kiơng lu mơnuih ngă sui hrơi, Kơnuk kơna rơkâo Jơnum min apăn bruă Khoa pơ ala m[s dêh ]ar tu\ ư, brơi {irô ding jum wai lăng jơlan nao rai, du\ pơgiăng dêh ]ar ta dưi mă yua ngăn rơnoh s^ hră pơkrem prăk Kơnuk kơna mơng hơdôm rơwang bruă anai kiăng tla prăk duh noa ano# răm rai.

Rơgao kơ bơkơtuai, Jơnum min apăn bruă Khoa pơ ala m[s dêh ]ar ta lăi le\: Hơdôm bôh sang ano# m[s bơdjơ\ nao lu `u truh hăng hơdôm bôh sang ano# [un rin, [un rin [ơ [ia\ anun bruă pel e\p ta`, pơtlaih hơdôm ano# gun kiăng hmâo jơlan duh noa le\ kiăng biă.

Khă hnun hai, kiăng dưi lăng glăi, pel e\p, pơsit rơđah bôh than, bruă gơgrong duh noa hăng ngăn drăp pioh tla prăk duh noa.

Yua kơ bôh nik, lom pok pơhai, bruă pel e\p, pơsit bôh nik `u hlâo kơ ngă tui; mă yua hơdôm jơlan pơsir tơlơi ngă tui ăt kah hăng pơsit rơwang bruă, rơnoh blơi hră pơgang ring bruă gah bruă gơgrong mơng pô tuh pơ plai, pô gơgrong pơdo\ng.

Yua anun, lom hmâo tơlơi truh hơdôm ano# răm rai lom ngă tui le\ ngăn drăp kơnuk kơna [u pơ pha ngăn rơnoh pioh pơsir hơdôm bôh yôm anai, kiăng pơđ^ tui bruă gơgrong pô tuh pơ plai, pô man pơdo\ng amăng bruă pơkă lăng hlâo, prăp lui hlâo hăng pok pơhai ngă tui rơwang bruă, hrom hăng anun be\ pơjing phun than [u klă, amra khom pơsir [ơi lu ring bruă gah bruă pha ra, đ^ tui bruă gơgrong prong kơ ngăn drăp kơnuk kơna; Kơ-iăng Khoa – Khoa GGWLPA m[s dêh ]ar ta yă Tòng Thị Phóng lăi le\:

“Bôh yôm anai bơdjơ\ nao [ơi anăp truh [ing tuh pơ plai ngă tui ring bruă anai yua gơ`u hmâo bruă gơgrong pơhlôm mơng bruă pel e\p, dăp hơdră truh kơ bruă git gai ngă tui, truh kơ bruă pơgang ring bruă, pơkra glăi, pơgang ba dong.

Kâo [uh amăng bruă git gai le\, anai jing tơlơi bơdjơ\ nao [ơi anăp kơplah wah pô gơgrong man pơdo\ng hăng m[s.

Blung hlâo ngă giong be\ bruă gơgrong mơng [irô wai lăng hăng lăng tui bruă mă mơng [ing gơgrong tuh pơ plai man pơdo\ng dong”.

Jơnum min apăn bruă Khoa pơ ala m[s dêh ]ar ta tu\ ư hrom, bruă duh noa yua kơ man pơdo\ng rơwang bruă ba truh răm rai brơi rơbêh kơ 35 rơbâo bôh sang ano# m[s kiăng dưi pơsir, pơsir lăp djơ\.

Khă hnun hai, bôh yôm anai Kơnuk kơna lăi pơthâo [u djơ\ gah tơlơi dưi mơng Jơnum min apăn bruă Khoa pơ ala m[s dêh ]ar ôh mơ\, hluai tui bruă gơgrong pơsir mơng Kơnuk kơna.

Anai le\ tơlơi gơgrong bruă mă kơplah wah pô gơgrong tuh pơ plai pơdo\ng, pô dưi pơdo\ng hăng m[s anun khom ngă tui Tơlơi phiăn m[s, [u djơ\ amăng rơwang pơsir mơng Ngăn drăp kơnuk kơna ôh.

Hrom hăng anun, Jơnum min apăn bruă Khoa pơ ala m[s rơkâo Kơnuk kơna, mơnuih apăn bruă, gơnong bruă, tơring ]ar, [ôn prong hrom hăng tơlơi lăng tui mơng hơdôm gru\p khoa pơ ala m[s hăng Jơnum min pơ ala m[s pơtô brơi, pơblang rơđah kơ m[s thâo kiăng hmâo tơlơi djơ\ pran jua hrom prong./.

Siu H’ Prăk: Pô ]ih hăng pôr