VOV4.Jarai - Ping gah tơring čar hmâo mă bruă laih hăng Jơnum min ruah khua tơring čar Lâm Đồng kơ rơnoh bruă ruah khua pơ ala mơnuih ƀôn sang tal 15 hăng Khua pơ ala Jơnum min pơ ala mơnih ƀôn sang hơdôm gưl tơring čar Lâm Đồng rơwang bruă 2021-2026. Truh ră anai, bruă ruah khua hơdôm gưl mơng tơring čar truh pơ̆ să, phường leng kơ ngă tui djơ̆ rơnoh hăng djơ̆ tơlơi pơkă. Đơ đam tơring čar Lâm Đồng hmâo ngă tui bruă bơkơtuai tal 2, mơng anun tŭ ư hrom hră čih anăn 13 čô mơnuih tơbiă anăn kơ khua pơ ala mơnuih ƀôn sang, 131 čô mơnuih tơbiă anăn kơ khua pơ ala Jơnum min pơ ala mơnuih ƀôn sang tơring čar, khua pơ ala Jơnum min pơ ala mơnuih ƀôn sang gưl tơring glông lĕ 800 čô mơnuih, gưl să phường, tơring kual lĕ 6.624 čô mơnuih. Bruă mă tơlơi gum pơhiăp mơnuih ƀôn sang ƀơi anih anom dô̆ hăng mơnuih tơbiă anăn kơ Khua pơ ala mơnuih ƀôn sang dêh čar hăng khua pơ ala Jơnum min pơ ala mơnuih ƀôn sang hơdôm gưl glăk dưi pơphun ngă tui tơpă, kơjăp tui djơ̆ tơlơi pơkă. Khua git gai Ping gah tơring čar Lâm Đồng pơtă kiăng pơtrut kơtang dong rơnoh ngă tui hơdôm yak tô̆ tui mơng bruă ruah khua; kơtưn pơtrut kơtang bruă lăi pơhing dơlăm kiăng mơnuih ƀôn sang thâo hluh rơđah bruă tŭ yua yôm phăn mơng ruah khua./.     

Siu H’ Prăk: Pô pơblang