VOV4.Jarai - Hrơi rơnu] dưi pơgăn phun hơdôm anih klin ngă prong amăng rơwang 10 hrơi mơng Gru\p ]râo ba bruă pơgang pơgăn klin Covid-19 dêh ]ar ta pơ\ anăp. Dua anih klin ngă prong hloh le\ Chí Linh (Hải Dương) hăng Vân Đồn (Quảng Ninh) anih dưi lăng le\ gluh đ^ tal klin ngă phrâo anai, hmâo pơgăn laih phun `u. Khă hnun hai, ră anai ăt hmâo mơn hơdôm anih klin ngă phrâo [ơi lu tơring ]ar, [ôn prong. Lom anun rơnoh pơ]rang lăng mơng Hà Nội kaih biă bơhmu hăng hơdôm tơlơi pơtă hlâo rơnoh lar hyu ta` mơng kơman pơplih djuai. Hơdôm anih klin ngă phrâo khă anet samơ\ ăt kah hăng “anih apui [ong lar hyu” tơdơi kơ “apui [ong”, amra ngă “jơlah apui klin ruă” gluh đ^ hơbin [u thâo ôh. Lom anun, [ơi tal klin anai hmâo thâo laih mơnuih [a\ kơman Covid-19 le\ F3, đa le\ F4. Anai le\ sa tơlơi lông prong hăng ăt brơi [uh mơn glông bruă kơdo\ng klin [u dưi lui raih.

Dong mơng hrơi thâo hmâo mơnuih [a\ kơman klin blung a [ơi anih klin ngă Chí Linh (Hải Dương) hăng Vân Đồn (Quảng Ninh) mơtăm, Kơnuk kơna hăng Gru\p ]râo ba bruă pơgang, pơgăn klin ruă Covid-19 hmâo pơsit, anai le\ tơlơi tôm hmâo laih hăng dêh ]ar ta hmâo laih tơlơi găn rơgao bo\ng glăi tu\ yua. Kơnong kơ 2 hrơi guang dar hyu e\p mơnuih bơdjơ\ nao, Kơ-iăng Khua dêh ]ar ta ơi Vũ Đức Đam hmâo lăi rơđah pran pơsit phun pơgăn anih klin ngă prong amăng 10 hrơi.

“{ing gơmơi hmâo pơmin hlâo laih hăng [uăn mă pô [ơi anăp mơnuih [ôn sang hăng khua git gai le\ amăng 10 hrơi amra guang dar giong hơdôm anih klin ngă prong. {ing gơmơi hmâo ngă djơ\ laih jơlan phun, anun tơlơi pơphun djơ\ hăng hơdră pơkă hlâo hmâo pơsit laih blung a…”

Pơsit anih klin ngă prong hloh, dlêh tơnap hloh le\ [ơi Chí Linh (Hải Dương), Ding jum ia jrao dêh ]ar hmâo iâu pơhrui laih rơbêh kơ 1200 ]ô ơi nai ia jrao hăng hơdôm pluh bôh măi pơ]rang lăng djru đut hlah tơring ]ar anai pok pơhai hơdôm bruă pơgăn klin. Khul gum hrom kơ tơring ]ar Hải Dương lu hloh bơhmu hăng tal klin ngă [ơi Đà Nẵng hlâo adih. Khua git gai Ping gah tơring ]ar Hải Dương Phạm Xuân Thăng brơi thâo, gơnang kơ tơlơi gum djru hmao tlôn, kơnong kơ 3 hrơi thâo hmâo mơnuih [a\ kơman, Hải Dương phun `u dưi pơgăn laih anih klin ngă prong [ơi Chí Linh.

“Blung hlâo le\ [ing gơmơi hmâo ngă tui tơpă tơlơi ]râo ba mrô 05 mơng Khua dêh ]ar hăng Gru\p apăn bruă Ping gah tơring ]ar hmâo mă yua laih tơlơi ]râo ba pha ra, Khua Jơnum min mơnuih [ôn sang tơring ]ar le\ mă yua kông điêng mơ-^t kơ hơdôm anih anom amăng đơ đam tơring ]ar hăng [ing gơmơi pơtrut ta` laih mơn abih bang glông bruă kơđi ]ar mơng tơring ]ar hăng rơnoh ]râo ba dlông hloh hăng pran jua gơgrong hlâo kho\p ta` hăng 4 mơta bruă mă hơđăp. Rim tơring glông pơdong gru\p mă bruă ta` kiăng pơsir tơlơi phrâo hmâo…”

Bơ\ hăng tơring ]ar Quảng Ninh hmâo gơgrong hlâo pơphun laih hơdôm bruă pơgang, pơgăn klin Covid-19 [ơi rơnoh dlông. Khua git gai Ping gah tơring ]ar ơi Nguyễn Xuân Ký pơsit, hăng tơlơi mă bruă gơgrong, ta`, kho\p mơng hơdôm gưl, hơdôm gơnong bruă [ơi tơring ]ar hăng tơlơi gum hrom ha pran do\ng yua mơng lu mơnuih [ôn sang, tơring ]ar Quảng Ninh hmâo ta` wai lăng laih anih klin ngă prong [ơi tơdron rơdêh por Vân Đồn.

“Djơ\ mơng lăi hă rơnoh hyu hue\t e\p gru nam mă drah pơ]rang lăng hăng bôh thâo pơ]rang lăng drah đ^ lu 2 wot hăng abih bang gơgrong hlâo sôh, iâu pơhrui abih bang mơnuih mă bruă ia jrao nao pơ\ anih anom phun le\ Vân Đồn hăng Đông Triều yua kơ hmâo dong mơnuih phrâo [a\ kơman le\ pơsit mơtăm F1,F2, F3, F4. Tal anai Quảng Ninh hyu hue\t e\p gru truh tal F4, F5 yua kơ djuai kơman pơplih phrâo lar hyu ta`. Pơ]rang lăng [ơi lu anih, ta` amra pơhlôm bruă pơsir tơdơi kơ anun ba glăi bôh tu\ yua”.

Khă hnun hai, mơng 2 anih klin ngă prong [ơi Hải Dương hăng Quảng Ninh, Covid-19 glăk hmâo raih daih [ơi lu anih anom amăng đơ đam dêh ]ar ta. Hơdôm mơnuih F3, F4 jing F0. Tơlơi anun [u djơ\ kơnong kơ brơi [uh rơnoh lar hyu ta` mơng kơman phrâo pơplih ôh mơ\ `u do# brơi [uh amra lar hyu klin amăng tal rơnu] thun yap tui blan di dong, mơnuih [ôn sang nao rai blơi prăp tết lu. Ơi Nguyễn Khắc Hiển, Khua Gơnong bruă ia jrao [ôn prong Hà Nội brơi thâo, [ơi [ôn prong hmâo ]ih pioh laih F2 jing F0 anun amra pơhư prong bruă pơ]rang lăng truh F3.

“Mơng ră anai truh kơ tết do# ngă tơnap mơn. Sa le\ klin [ơi hơdôm anih anom amra klin tưp, dua le\ mơnuih [ôn sang amra glăi [ong tết [ơi Hà Nội lu biă. Samơ\ ngă tui tơlơi ]râo ba mơng [ôn prong, Hà Nội amra djă pioh dong bruă wai lăng kơja\p abih bang hơdôm mơnuih [ơi anih pơkon nao pơ\ Hà Nội. Hăng kông ang pel e\p kơja\p hăng [ing mut rai [u djơ\ phiăn. Hăng mơnuih mơnam amra pel e\p abih bang hơdôm mơnuih rai mơng anih pơkon tui jơlan gah poh bah amăng rim sang, e\p rim mơnuih, dlăng lăng gơ`u rai mơng hơpă, tơdah rai mơng hơdôm anih klin ngă le\ rơkâo nao pơ\ anom bruă ia jrao pioh dưi lăi pơthâo, pơ]rang lăng”.

Tui hăng Khua Ding jum ia jrao ơi Nguyễn Thanh Long, tơdơi kơ tơlơi hrăm [ơi tơdron rơdêh por Vân Đồn, Gơnong bruă ia jrao Hà Nội kiăng pơphun pơ]rang lăng abih bang mơnuih mă bruă [ơi tơdron rơdêh por Nội Bài kiăng gơgrong hlâo thâo mơnuih ruă tơdah hmâo. Hăng hơdôm bôh tơring ]ar, [ôn prong pơkon hmâo klin Covid-19 glăk ngă, guang dar ta` kual, pơgăn klin ta` hloh tơdah dưi. Hrom hăng anun lăi pơhing pơsur mơnuih [ôn sang ngă tui klă tơlơi pơtă gôm adung mơbah, pơdjai kơman, ]ơlah ataih nao rai, lăi pơthâo tơlơi suaih pral hăng [u tum pơ[u\t lu mơnuih. Tơlơi anai djru ngă hơdư\ [ia\ tơlơi lar hyu klin ruă pơhlôm rah kơ mơnuih [ôn sang ]ơkă Bơyan bơnga thun phrâo Tân Sửu amăng rơnuk rơnua./.

Văn Hải: Pô ]ih – Siu H’ Prăk: Pô pơblang