VOV4.Jarai - Mơguah anai (24/3), pok phun tal jơnum lok 11, Khua pơ ala mơnuih ƀôn sang tal 14. Khua čih pioh Khua pơ ala mơnuih ƀôn sang dêh čar ta Nguyễn Hạnh Phúc brơi thâo, kiăng pơhlôm ha amăng plĕ amăng tơlơi mơnuih mă bruă mơng Ping gah, Kơnuk kơna, Khua pơ ala mơnuih ƀôn sang amra pioh năng ai ñu 7 hrơi kiăng pel ĕp, ngă giong sa dua bruă gơgrong git gai phun mơng Ping gah hăng Kơnuk kơna. Khua pơ ala mơnuih ƀôn sang tal anai kơnong kơ ngă giong sa dua bruă apăn git gai Kơnuk kơna, ƀu djơ̆ ngă giong abih bang hăng anai lĕ tơlơi ngă giong kơ tal 14. Tơdơi kơ bruă ruah khua pơphun, truh blan 7 thun anai, Khua pơ ala mơnuih ƀôn sang amra ngă giong dong mơnuih mă bruă kơ tal 15 hăng bruă pơsit apăn bruă pơphun tui tơđar tui tơlơi pơkă amăng tal jơnum anai, Khua pơ ala mơnuih ƀôn sang amra pơphun ruah mơnuih mă bruă pơ ala kơ apăn bruă anai hăng hơdră plĕ hră hơgom. Hrom hăng anun, Khua pơ ala mơnuih ƀôn sang ăt amra pơphun ruah, brơi pơdơi bruă git gai hơdôm ƀirô Kơnuk kơna, amăng anun hmâo: Kơ-iăng Khua mir sir, sa dua Kơ-iăng Khua git gai wai lăng pơ ala mơnuih ƀôn sang hăng Khua Jơnum min mơng Khua pơ ala mơnuih ƀôn sang dêh čar hăng Khua phun akha wai lăng bruă mă yua prăk kơnuk kơna, Khua  čih pioh Khua pơ ala mơnuih ƀôn sang, sa dua Kơ-iăng Khua dêh čar, Khua ding jum hăng ding kơna pơkon mơng Gong gai dêh čar. Hrom hăng anun, Khua pơ ala mơnuih ƀôn sang amra pơdơi bruă, ruah phrâo Khua Khul ruah khua lŏn ia./.

Siu H’ Prăk: Pô pơblang