VOV4.Jarai - Ƀơi Hà Nội, Grup wai lăng tơlơi rơnuk rơnua hơđong kơjăp amăng mông ruah khua pơ ala mơnuih ƀon sang dêh čar tal 15 hăng khua mua pơ ala mơnuih ƀon sang djŏp gưl, rơwang thun 2021-2026 pơphun jơnum lok 3 či pơtŏng glăi, pel ĕp sem lăng abih bang bruă hơmâo pok pơhai, hăng tŭ ư hơdră bruă yôm phun amăng hrơi blan pơ anăp. Trung tướng Lương Tam Quang, Kơ-iăng khua Ding jum kông ang, Khua grup git gai mông jơnum. Tui hăng tơlơi lăi pơthâo glăi mơng Grup, truh ră anai bruă prăp lui pơhlôm rơnuk rơnua bruă ruah khua pơ ala mơnuih ƀon sang dêh čar tal 15 hăng khua mua pơ ala mơnuih ƀon sang djŏp gưl rơwang thun 2021-2016 hơmâo ngă tui tơlơi kiăng laih. Ƀơi mông jơnum, ƀing khua ăt pơƀut ngă rơđah mơn hơdôm tơlơi tơnap, tơlơi dŏ gun hăng bơơtuai tŭ ư hơdră ngă bruă phrâo amăng hrơi blan pơ anăp, ngă bruă lăp djơ̆ hăng rơnuk phrâo; gir pơhlôm rơnuk rơnua hơđong kơjăp ƀơi abih bang dêh čar ta, ngă atur kơjăp kiăng mông ruah khua djơ̆ hăng tơlơi jao.

Siu H’Mai: Pơblang