VOV4.Jarai-Mơguah lơ 2/3, ƀơi Hà Nôị, jơnum Jơnum min dêh čar kơ bruă hlăk ai Việt Nam tal 32, pơƀut bruă mă hlăk ai thun hlâo hăng pok pơhai bruă mă hlăk ai thun anai dơ̆ng. Ră anai, Việt Nam hơmâo rơbêh 22 klăk 600 rơbâo čô hlăk ai. Thun hlâo, hlăk ai Việt Nam ngă hrom lu anom bruă kơnuk kơna kơsem min, pơkra hơdră ngă hrom djop sang bruă hlăk ai.

Amăng anun, ngă giong Tơlơi phiăn Hlăk ai čih pơkra glăi, pơdah thâo khua mua pơ ala mơnuih ƀôn sang  sem glăi, pơsit; laih ĕp lăng, pơtong glăi rơđah bruă ngă tui tơlơi phiăn hlăk ai hăng bruă mă kơ hlăk ai hơmâo lu tơlơi bơblih tŭ yua. Thun anai, tui hăng lu khua pơ ala lăi, Anom bruă hlăk ai tơdăm dra mut phung rơnuk HCM khom ngă hrom tong ten hloh hăng djop ding jum, anom bruă gah gơnong dlông pơtrut bruă mă gah hlăk ai kơtang hloh.

Amăng anun, pok pơhai ngă tui Tơlơi phiăn hlăk ai čih pơkra glăi, pơkra hơdră ngă tui pơđĭ kyar bruă hlăk ai mơ̆ng thun 2021-2030. Laih dơ̆ng ĕp glăi, pơtong rơđah tong ten ngă tui tơlơi phiăn hlăk ai amăng bruă pơphun bruă mă kơ phung hlăk ai tơdăm dra.

Nay Jek: Pơblang