VOV4.Jarai-Phrâo anai, Anom bruă tơdăm dra mut phung rơnuk CSHCM kual Dap Kơdư pơphun pơplông hlăk ai mă bruă thâo pơčeh phrâo hăng pơpŭ bơni bruă mă gah hlăk ai kjăp hơđong, bưp ƀô̆ mơta khua git gai bruă glăk ai amăng dêh čar ƀơi kual Dap Kơdư thun 2021.

10 čô hlăk ai ngă bruă sĭ mơdrô dưi pơpŭ bơni tal anai

Nao jơnum hrom, hơmâo khua mua apăn bruă git gai hlăk ai tơdăm dra CSHCM mơ̆ng 5 boh tơring čar amăng kual Dap Kơdư hăng rơbêh 100 čô khua hlăk ai ba gru hlâo, hlăk ai mă bruă thâo pơčeh phrâo, bơwih ƀong huă rơgơi amăng kual. Anai lĕ bruă mă hơdor glăi 90 thun hrơi akŏ pơjing khul tơdăm dra mut phung rơnuk CSHCM lơ 26/3. Hơdră pơphun kah hăng

: “Bưp nao rai ĕp hơdră pơtrut bruă mă pơphun tơlơi bơwih ƀong huă pơčeh phrâo”, djru hlăk ai mut phung djop anom bruă bơkơtuai nao rai, kah pơpha tơlơi thâo thăi amăng bruă mă pơphun bruă mă lơ̆m kual plơi pla, ngă hmua pla pơjing. Ƀrô djơ̆ tal anai, apah bơni 10 čô tơdăm dra mut phung ngă bruă sĭ mơdrô ba gru hlâo amăng kual Dap Kơdư.

Nay Jek: Pơblang