VOV4.Jarai-Thun blan rơgao, djop gưl anom bruă  khul tơdăm dra mut phung hơmâo pok pơhai klă lu bruă mă, pơdah rai tơlơi glăm ba mơ\ng [ing hlăk ai tơdăm dra djru man pơdong plơi pla, dêh ]ar, pơjing kơnuih hiam kơ hlăk ai tơdăm dra rơnuk phrâo.

Kiăng djă bong na nao kơnuih hiam, boh tơhnal dưi ngă anun, anom bruă khua hlăk ai tơdăm dra rơnuk Hồ Chí Minh dêh ]ar hơmâo pơkra hơdră, ako\ bruă man pơdong, ako\ pơjing kơnuih hlăk ai amăng rơnuk phrâo hơmâo ‘’Tơlơi pơmin tơpă, boh ako\ rơgơi, pran jua kiăng prong’’ mơ\ng thun 2018-2022.

Lu gơyut gơyâo hlăk ai tơdăm dra lăi le\, rup rap kơnuih hiam kơ hlăk ai rơnuk phrâo, kiăng hơmâo lu mơta pơtum tơlơi pơmin, pran jua, khom kơsung nao pơ anăp, ba gru hlâo amăng djop bruă mă djru mơnuih mơnam, thâo pơ]eh phrâo amăng bruă mă hăng mut phung hặng jar kmar.

Khă hnun, pioh pơđ^ tui pran jua kơnuih hiam anun, djop anom bruă hlăk ai kơtưn pơtô pơhrăm tơlơi pơmin pran jua, tơlơi do\ dong [ong huă, ano\ kiăng hiam tơpă, tơlơi hơkru\ lo\n ia, khăp kơ dêh ]ar laih anun tơlơi kơsung nao pơ anăp pơyơr pran jua yua kơ lo\n ia.

Laih dơ\ng, pơtrut pơsur tơdăm dra hlăk ai ngă hrom ako\ pơjing tơlơi pơmin, boh thâo djuai ania kiăng hmao hăng ia rơgơi tuh tia pơkra pơjing rơnuk măi mok 4.0, pơtrut tơlơi kiăng prong, tơlơi hor kơ bruă mă hrăm hơduah mă boh thâo ia rơgơi.

Hlăk ai nao pơyơr drah djru mơnuih mơnam

Tui hăng gơyut Lê Thị Hồng Nhung, Khua khul hlăk ai tơdăm dra ]ơđai sang hră gưl prong hrăm gah bruă prăk kăk lăi, djop bruă mă hơge\t hlăk ai tơdăm dra khom gir run abih pran jua ta pô laih anun dơ\ng mơ\ng bruă mă anet aneo đô], pơ anih ta hrăm hră hăng mă bruă:

‘’Rup rap kơnuih hiam ba gru kơ hlăk ai rơnuk anai le\ khom kjăp pran jua, mut phung, thâo pơ]eh phrâo, pơyơr pran jua.

Kâo ăt glăk amăng jơlan anăp nao kiăng hơmâo kơnuih hiam, rup rap anun, [ư\ pơkra pran jua jai hrơi lăp djơ\.

Dơ\ng mơ\ng ano\ hơge\t anet aneo hloh, pơphun bruă mă [ơi anih ta hrăm, sang hră ta do\ mă bruă, kâo nao jơnum na nao, je\ giăm hrăm tui, kah pơpha tơlơi thâo thăi amăng bruă hrăm hră pơar, mă bruă amăng khul grup, hyu gum djru mơnuih mơnam, [udah jơnum pơthâo kơ bruă mă [ơi sang hră ta pô do\ hrăm, kiăng pơhư] lu gơyut gơyâo tơdăm dra hrăm gưl prong’’.

Khă hnun, [uh rơđah ăt do\ mơn lu hlăk ai tơdăm dra hơmâo tơlơi pơmin, ngă amưng kơ bruă djru mơnuih mơnam.

Hlăk ai tơdăm dra mut phung nao djru bruă pơkra jơlan plơi pla

Yua kơ anun, kiăng jak iâu, pơtrut pran jua hlăk ai ngă klă, pơbuă tui kơnuih hiam gơ`u, khom pơtrut bruă mă djru pơyơr pran jua, djop khul tơdăm dra mut phung pơyu\, pok pơhai lu bruă mă, kiăng ngă gêh gal kơ hlăk ai, pơdah thâo tơlơi pơmin, pran jua, ia rơgơi gơ`u.

Ayong Dương Minh Tuấn, Khua khul tơdăm dra mut phung phường Xuân Đỉnh, kuận Bắc Từ Liêm, [on prong Hà Nội brơi thâo:

Khul tơdăm dra mut phung amăng phường hơmâo ngă lu bruă mă djơ\ hăng r^m pô; kiăng pơđ^ tui tơlơi thâo hluh mơ\ng hlăk ai kah hăng jơnum khul, mut phung hmư\ tơlơi pơtô hlâo kơ pơdo\ rơkơi bơnai, khul đah kơmơi dra hur har mă bruă jak iâu tơdăm dra pơko\n djru hrom:

Pơyơr drah, hyu [ơk gơnam kơ mơnuih [un rin pơ kual ]ư\ siăng. Dơ\ng mơ\ng bruă mă djơh hăng anun, amra [uh tơdăm dra pơđ^ tui tơlơi glăm ba mơ\ng gơ`u, khin pơmin, hơtai mă bruă. Ayong Dương Minh Tuấn lăi:

‘’Ră anai, lu hlăk ai tơdăm dra ăt do\ hơmâo tơlơi pơmin [u hơde] ôh, yua dah lu mơnuih do\ amăng anih hơmâo djop mơta ano\ kiăng gêh gal biă mă, anun aka pơmin nao kơ tơlơi gir run, kơtưn djru pơyơr pran jua, gum ba mơnuih mơnam.

Anun ăt jing tơlơi gun kơ hlăk ai hăng lu anom bruă tơdăm dra hlăk ai pioh gơ`u pok prong tơlơi pơmin lăng glăi gơ`u pô hăng djru mơnuih mơnam, dơ\ng mơ\ng anun kiăng pơtrut ngă hrom bruă mă amăng khul, grup, anăm dơneh đuăi kơ bruă djru mơnuih mơnam [udah do\ tơguan tơlơi hyuk hyak đô].

Khul hlăk ai phường amra hơmâo hơdră ngă hrom lu mơnuih, lu anom bruă hlăk ai glăk mă bruă amăng [irô kơnuk kơna [udah hlăk ai amăng plơi pla hơdai gum hrom mă bruă’’.

Tui hăng khua tal sa git gai hlăk ai tơdăm dra rơnuk Hồ Chí Minh dêh ]ar, Lê Quốc Phong lăi, anom bruă tơdăm dra mut phung gơnong dlông hơmâo ako\ bruă pơkă hơnong kơnuih hiam kơ hlăk ai Việt Nam mơ\ng thun 2018-2022, khom ngă pơgiong 12 tơhnal pơkă, amăng anun hơmâo tơlơi pơmin kơ gru grua hơkru\, tơlơi pơkă suaih pral, tơlơi hur har hrăm hră, bruă mă pơyơr pran jua, khăp kơ lo\n ia, ngă tui djơ\ tơlơi phiăn dêh ]ar…

Dơ\ng mơ\ng anun, djop gưl anom bruă hlăk ai amra ruah mă bruă mă tui hluai ano\ gêh gal [ơi anih do\, pioh pơphun bruă mă kơ tơdăm dra hlăk ai pơkơtưn nao rai.

Ayong Lê Quốc Phong lăi pơtong, anom bruă hlăk ai mut phung amra pok pơhai rơđah rơđong, tum te] pioh e\p lăng ngă tui, hơdôm tơlơi pơtrun mơ\ng Khua dêh ]ar ơi Nguyễn Xuân Phúc, kiăng pơkă tơhnal gru hiam kơnuih hlăk ai Việt Nam amăng rơnuk phrâo, hơmâo tơlơi pơmin tơpă, rơgơi kơhnâo hăng tơlơi kiăng prong:

‘’{ing gơmơi hơmâo hơdră pơphun pơtô pơblang djơ\, [uh lu gru hiam mă bruă, [ing hur har pioh lăi pơthâo kơ lu hlăk ai tơdăm dra thâo hiư\m gru kơnuih hlăk ai hiam, tui hăng bruă mă rơđah rơđong, e\p hơdôm bruă ngă aka klă, aka [u djơ\, tơlơi juăt soh glăi aka [u djơ\ hăng jơlan hơdră hlăk ai mut phung Việt Nam pơtrun, kiăng bơblih h^ bruă mă, tơlơi pơmin thâo hluh.

Anun le\, hơdră mơ\ khul tơdăm dra pơtum pok pơhai mă bruă pơ anăp anai’’.

Pioh ako\ pơdong pơjing rup rap gru hiam kơnuih klă kơ hlăk ai rơnuk phrâo, djop gưl anom bruă hlăk ai tơdăm dra gum hrom lu hơdră mă bruă, kiăng pơhư] lu tơdăm dra hlăk ai ngă hrom, dơ\ng mơ\ng anun [ing hlăk ai tơdăm dra hơmâo mông gêh gal pơdah thâo ia rơgơi tơlơi kơhnâo, thâo pơ]eh phrâo amăng bruă mă mut phung hăng  jar kmar.

Nay Jek: Pô ]ih hăng pôr