VOV4.Jarai - Ƀơi sang bruă Khua pơ ala mơnuih ƀon sang dêh čar phrâo pơphun Jơnum lok 4 Grup wai lăng bruă ruah khua dêh čar. Truh mông anai, Khul wai lăng bruă ruah khua dêh čar hơmâo mă 1.136 pok hră čih anăn pô hơmâo anăn ba ruah ngă khua pơ ala mơnuih ƀon sang dêh čar tal 15 hăng 7.495 pok hră čih anăn pô hơmâo anăn ruah ngă khua pơ ala mơnuih ƀon sang tơring čar. Jơnum min wai lăng djŏp djuai ania mơnuih mơnam djŏp gưl hơmâo ngă giong laih bruă Jơnum pơčrông sai bruă ruah khua tal 2 čih anăn ƀing tơbiă anăn ruah ngă khua pơ ala mơnuih ƀon sang dêh čar hăng Khul khua Jơnum min pơ ala mơnuih ƀon sang djŏp gưl. Pơhiăp klah čun glăi mông jơnum, Khua git gai pơ ala mơnuih ƀon sang dêh čar yă Nguyễn Thị Kim Ngân, Khua Grup wai lăng bruă ruah khua dêh čar ta brơi thâo, Jơnum lok 4 Grup wai lăng bruă ruah khua hơmâo ngă giong laih jơlan hơdră hơmâo jao. Bruă prăp lui ruah khua truh mông anai glăk hơmâo ngă djơ̆ tơlơi phiăn, pơhlôm djơ̆ hrơi mông pơkă, aka ƀu hơmâo tơlơi ngă sat kơ mông ruah khua ôh. Khua git gai pơ ala mơnuih ƀon sang dêh čar kiăng pơtô pơblang, pôr pơhing hloh dong, klă hloh dong kơ mông pơčrông sai bruă ruah khua tal 3 hăng truh pơ hrơi plĕ hră ruah amăng lơ 23/5 pơ anăp.

Siu H’Mai: Pơblang