VOV4.Jarai-Jơnum min mơnuih ƀôn sang tơring čar Quảng Trị phrâo ngă hră pơkra hơdră či pơphun Jơnum ngă yang pơlir lŏn ia hăng pok pơhai bruă tuai čuă ngui amăng kual ia rơsĭ, bul pơtâo ia rơsĭ thun 2021 ƀrô hơdor glăi tal 46 thun Hrơi pơklaih rơngai kual Dơnung, pơlir lŏn ia jing sa.

Hơdôm bruă mă amra pơphun ngui ngor mơ̆ng plah wah blan 4 truh blan 5/2021 kah hăng: Hơdui đĭ hla gru (hla kơ) anăn “Pơlir lŏn ia jing sa”, pơplông tuah ia song anăn pơlir lŏn ia jing sa ƀơi ia krông Bến Hải, hơdră adoh suang amra pok pơhai bơyan tuai čuă ngui ia rơsĭ, bul ia rơsĭ thun 2021 akŏ ñu “Ia rơsĭ iâu”…

Amăng hơdră anai, tơring čar Quảng Trị amra pơphun hơdră Farmtrip lăi pơthâo lu anih hyu ngui lăng đang hmua, lăi pơthâo kual tuai čuă ngui ĕp lăng amăng bul pơtâo Cồn Cỏ hăng hơdôm anih gru grua hiam gru phun dêh čar jing anih yôm kơ tơring čar laih anun kiăng ĕp anih iâu pơthưr tuh pơ alin sĭ mơdrô, pơtrut tuai čuă ngui ƀơi tơring čar…

Nay Jek: Pơblang