VOV4.Jarai - Mơng hrơi hơmâo tơhan kông ang apăn bruă glăi mă bruă, tơlơi rơnuk rơnua [ơi tơring glông gah guai lo\n ia Tuy Đức, tơring ]ar Dak Nông hơmâo pơhlôm. Hro\m hăng anun, djop tơlơi ngă soh hơmâo pơgăn, djru mơnuih [on sang hơđong pran ngă bruă, pơđ^ kyar tơlơi bơwih [ong huă – mơnuih mơnam.

Pơsir bruă ta`, tu\ yua, anun le\ tơlơi lăi glăi mơng neh met wa [ơi hơdôm boh plơi pla să Quảng Trực lơ\m lăi nao [ing khua mua, tơhan kông ang apăn bruă [ơi să gah guai lo\n ia anai. Amai Thị Bơi, do\ [ơi [on Bu Prăng 1, să Quảng Trực, tơring glông Tuy Đức, tơring ]ar Dak Nông đăo gơnang biă kơ kông ang să tơdơi kơ bruă hơmâo mơng sang ano\ `u:

“Sang ano\ kâo sui mơng anai 4 hrơi hơmâo sa c\ô đah rơkơi măt tơpai, djă ba rơbok c\i koh pơdjai adơi amai gơmơi. Anun jing kâo iâu nao [ing kông ang să hăng grup mă bruă mơng ling tơhan pơgang guai. Mah sang ano\ gơmơi ataih biă mơng să, samơ\ aka [u truh 10 mơnit ôh, [ing adơi ayong ling tơhan truh pơ anih hmao tlôn dong tah. Hơmâo kông ang apăn bruă glăi pơ plơi pla le\ hơđong biă, tơdah hơmâo bruă hơget thơ gơ`u rai ta` biă mă”.

Ơi Điểu Drây, khua plơi Bu Prăng 1 brơi thâo, neh met wa djuai [iă [ơi kual ataih yaih anai juăt [u hơmâo hră c\ih anăn tơkeng hăng kơ[ah lu mơta hră pơ-ar pơko\n dong. Khua mua, ling tơhan kông ang să nao tơl sang pơtô brơi neh met wa pơhaih djơ\ anăn, thun tơkeng, anih do\ kiăng tơdơi anai ngă hră kăn kươk.

“Lơ\m neh met wa ngă hră pơ-ar mơ\ [u thâo hluh le\ tơ`a [ing kông ang să, gơ`u pơtô brơi mơtăm yơh, pơtă pơtăn lăng glăi hơmâo hră pơ-ar hơget thơ aka [u ngă, kiăng ngă hră hơget. Adơi ayong kông ang să glăi pơ plơi pla tui anai kâo lăng klă biă mă yơh”.

Kông ang să nao tơl sang c\i pơhrua tui hră pơ-ar brơi ană plơi.

Tui hăng Đại uý Trần Văn Dũng, Khua kông ang să Quảng Trực, 6 c\ô ling tơhan kông ang le\ rim c\ô mơnuih hơmâo pơtô ngă bruă phara, samơ\ lơ\m glăi pơ să, gơ`u hơmâo hrăm nao rai tơdruă dong, kiăng rim c\ô mơnuih dưi ngă abih djop bruă hơmâo amăng plơi pla. Hro\m hăng pơphô bruă kơ gong gai djă bong kơjăp rơnuk rơnua [ơi guai lo\n ia, kông ang să Quảng Trực hơmâo ako\ pơdong lu hơbô| bruă wai pơgang rơnuk rơnua mơng plơi pla.

“Mơng blan 3 thun anai, gơmơi ngă hro\m hăng hlăk ai tơdăm dra kông ang tơring ]ar brơi kơ neh met wa 1000 ano\ atol boh pơkhuă rơnuk rơnua, [ơi anun hơmâo c\ih mrô telephôn khua kông ang să, kơ-iăng khua kông ang să hăng mrô telephôn anom bruă wai lăng kơđi hình sự kông ang tơring glông Tuy Đức kiăng neh met wa lăi glăi ta` djop bruă bơdjơ\ nao [ing ngă soh. Rơngiao kơ anun, gơmơi ăt ngă hro\m hăng ling tơhan pơgang guai pơdong grup wai lăng mă pô jơlan guai, gong guai kiăng [rô wai pơang guai lo\n ia [rô pơdong anih pơgăn lơ\m hơmâo [ing ngă soh [ơi anai. Mơng hơbô| bruă tui anun le\ phrâo anai gơmâo hơmâo [uh ta` 2 tal arăng dop rơdêh thut”.

Tơlơi mă bruă tu\ yua mơng tơhan kông ang apăn bruă pơ să gum djru pơdong tơlơi rơnuk rơnua kơjăp [ơi guai lo\n ia să Quảng Trực, anih hơmâo truh 17 djuai ania do\ hơdip hro\m [ơi đơ đam lo\n prong 60 rơbâo ektar. Ơi Điểu Plơu, Kơ-iăng khua Jơnum min mơnuih [on sang să Quảng Trực brơi thâo:

“Quảng Trực le\ să [ơi guai lo\n ia tơnap hloh, biă `u le\ jơlan nao rai tơnap biă amăng bơyan hơjan hlim, mơnuih [on sang le\ hơdip pơ anai [iă pơ adih [iă, [ơi kual lo\n prong, bruă wai lăng jing tơnap mơn. Lăi nao [ing kông ang apăn bruă glăi pơ să le\ rơgơi biă mă yơh amăng bruă mă kah hăng pơphô bruă kơ gong gai [on lan. Hrơi blan giăm anai, kâo lăng pơhmu hăng mơng hlâo le\ [ơi să Quảng Trực rơnuk rơnua hơđong kơjăp, jai hrơi đ^ kyar”.

Thượng tá Nguyễn Sử, Khua kông ang tơring glông Tuy Đức brơi thâo, ngă tui kơc\ăo bruă mơng Ding jum kông ang, ha thun rơgao, abih bang 6 boh să amăng tơring glông hơmâo brơi nao 41 c\ô kông ang apăn bruă glăi mă bruă. Boh than hmư\ hing hloh le\ mrô mơnuih ngă soh gah kơđi hình sự 10 blan thun anai hro\ trun truh 27% laih pơhmu hăng thun hlâo.

Laih dong tơhan kông ang hơmâo jak iâu mơnuih [on sang brơi glăi 130 [e\ phao hro\m hăng 700 asar phao djop djuai. Thượng tá Nguyễn Sử, lăi nao tơlơi thâo kơđiăng lui kiăng pơhlôm klă rơnuk rơnua [ơi guai dêh ]ar tui anai:

“Tơlơi rơgơi [ing ta kơđiăng lui le\ ngă hiư\m pă iâu pơthưr abih bang mơnuih [on sang gum pơdong tơlơi rơnuk rơnua hơđong kơjăp [ơi guai lo\n ia dêh ]ar. {ơi anai le\ gơmơi pơtô brơi mơnuih [on sang thâo hluh djop mơta tơlơi plư plec\, ngă soh mơng [ing [u klă ăt kah hăng jak iâu mơnuih [on sang gum pơdong grup wai lăng rơnuk rơnua kiăng hro\m hăng [ing kông ang pơhlôm rơnuk rơnua hơđong kơjăp.

Biă `u ]ưi guai lo\n ia le\ hrơi blan rơgao kông ang apăn bruă glăi pơ hơdôm boh să anai ngă klă bruă pơphô brơi gong gai jak iâu abih bang anom bruă kơđi ]ar pơhlôm rơnuk rơnua [ơi anih; amăng anun [ing kông ang hơmâo pok pơhai bruă mă, ngă hro\m hăng hơdôm puih kơđông tơhan pơgang guai hyu tir pơhlôm rơnuk rơnua hơđong kơjăp [ơi guai lo\n ia”.

Mơnuih [on sang jao glăi 130 [e\ phao hăng giăm 700 asar phao djop djuai.

Kông ang jak iâu mơnuih [on sang să Quảng Trực wai lăng rơnuk rơnua [ơi guai lo\n ia.

Bruă ba kông ang apăn bruă glăi mă bruă pơ hơdôm boh să [ơi tơring glông Tuy Đức, Dak Nông pơsit tơlơi tu\ yua amăng bruă pơhlôm rơnuk rơnua kơđi ]ar, rơnuk rơnua mơnuih mơnam. Tơhan kông ang ngă bruă rơgơi mơng plơi pla hơmâo mơnuih [on sang đăo gơnang, [u-eng, gum ako\ pơdong kơjăp bruă pơgang [ơi guai lo\n ia dêh ]ar.

Minh Huệ: C|ih – Siu H’Mai: Pơblang