VOV4.Jarai- Ea sup le\, sa amăng hơdôm  boh tơring glông hơmâo lu mơnuih [on sang nao do\ gah rơngiao kơ  hơnong pơkă lu hloh amăng tơring ]ar Daklak. Rai mơng kual plơi pla, tơring tơrang, tơlơi phiăn, tơlơi juăt, tơlơi do\ dong [ong huă pha ra soh, anun yơh [ing mơnuih soh sat hơne] mă, ngă lu\k pu\k amăng mơnuih [on sang, ngă mă mơnuih  đuăi nao do\ pơ plơi pla phrâo bơwih  [ong huă anun  hơmâo lu tơlơi hu\i  rơhyưt ba truh kơ tơlơi [u rơnuk rơnua brơi mơnuih [on sang. {ơi anăp kơ tơlơi anun, hơdôm thun rơgao, khoa moa [ơi tơring glông hơmâo gleng nao git gai, pơtô lăi tơlơi phiăn juăt kơnuk kơna, ako\ pơjing bruă mă  abih bang mơnuih [on sang wai pơgang tơlơi rơnuk rơnua dêh ]ar, ba tơlơi mă bruă anai jai hrơi  tu\ yua, dơlam hloh, kiăng tơlơi hơdip mơda do\ dong [ong huă mơng mơnuih [on sang  rơnuk ngă sang rơnang ngă hmua.

Tơdơi kơ hơmâo Hră pơtrun mrô 521/2005 mơng Khoa dêh ]ar ta kơ bruă ngă tui  hơdră abih bang mơnuih [on sang gum hrom pơgang lo\n ia, Anom bruă ping gah, khoa moa tơring glông Ea Sup, tơring ]ar Daklak hơmâo lăi pơthâo ngă tui kơ djop khoa moa anom bruă amăng tơring glông kơtưn pơtô pơblang, pơhrăm kơ tơlơi phiăn juăt, pơđ^ tui tơlơi thâo hluh kơ mơnuih apăn bruă, mơnuih ping gah hăng mơnuih [on sang thâo rơđah bruă kiăng ngă, tơlơi yom pơphăn kơ Hrơi mơak abih bang mơnuih [on sang ngă hrom bruă pơgang lo\n ia, pơjing rai bruă mă pơblih phrâo kơtang biă mă kơ bruă pơgang tơlơi rơnuk rơnua, hơđong. Hrom hăng anun, kông ang tơring glông lăi pơthâo kơ anom bruă  ping gah, gong gai kơnuk kơna tơring glông ngă hră pơtrun git gai, pơtô brơi ngă tui djơ\.

10 thun laih rơgao, hrơi mơak abih bang mơnuih [on sang gum hrom bruă pơgang tơlơi rơnuk rơnua kơ mơnuih [on sang dưi bang hyu kơtang biă mă, pơhư] lu mơnuih gum hrom, pok pơhai lu hơdră bruă, tơlơi pơphun mă bruă, ngă lu mơta ba glăi tơlơi tu\ yua yom. Đơ đam tơring glông hơmâo ako\ pơjing 274 gru\p pơgang tơlơi rơnuk rơnua, khul pơlir hơb^t lu sang ano\ hăng lu hơdră ngă hrom, tơlơi pơ]eh phrâo kah hăng hơdră gru\p sang ano\  amăng [u\t mơnuih [on sang ngă bruă pơgang mă tơlơi rơnuk rơnua [ơi hơdôm să Êa {u\ng, Ea Lê, }ư\ Mla`; hơdră atông [udah taih teng 3 mơta hơdră  pơhlôm pơgang [ơi să Ia Tmôt, hơdră gru\p  đah kơmơi mut phung [u hơmâo rơkơi sang, ană bă le# luh arăng plư amăng tơlơi ]rih ]răm mơnuih mơnam hăng ngă soh sat pơphun [ơi să Êa {u\ng, hơdră Khul mơnuih [on sang ngă hmua hăng bruă mă  ngă tui djơ\ tơlơi phiăn juăt kơnuk kơna ăt [ơi să Ia Tmôt mơn….Jak iâu abih bang mơnuih [on sang ngă hrom bruă djru pơgang tơlơi rơnuk rơnua kơ lo\n ia, tơring glông Ea Sup hơmâo ako\ pơjing 11 boh hip  krăo lăi pơthâo mơnuih soh, lăi pơthâo bruă ngă soh sat kơ tơhan kông ang  thâo [udah kơ anom bruă kơnuk kơna, mơng anun hơmâo djru kơ tơhan kông ang dưi hơmâo mă 541 wo\t arăng ngă  soh, hơdai gum djru nao rai mă pơkong 63 ]ô mơnuih soh arăng e\p mă, djru hrom kơ bruă pơtrun h^  tơlơi soh sat amăng tơring glông.

Kiăng djă bong kjăp, pơđ^ tui boh tơhnal mơng bruă mă pơtrut mơnuih [on sang gum hrom wai pơgang tơlơi rơnuk rơnua kơ lo\n ia, djop anom bruă ping gah, gong gai kơnuk kơna [ơi tơring glông gleng nao biă mă ngă pơkjăp glăi, ako\ pơdong tơhan kông ang să, tơring kual, tơhan pơgang plơi pla [on [ut, anom bruă kơnuk kơna, sang hră… Ră anai, khul ling tơhan anai, hơmâo pơdong djop mrô, mơnuih mă bruă abih bang 279 ]ô mơnuih ngă bruă tơhan kông ang să, 59 grup wai lăng mă pô [on [u\t plơi pla, krăp lăi pơthâo kơ tơhan kông ang hơdôm rơtuh tơlơi pơhing pơdjơ\ nao kơ tơlơi rơnuk rơnua mơnuih mơnam amăng plơi pla, djru tơhan kông ang, tơhan pơgang plơi pla pơgăn h^ bruă ngă soh sat, kiăng hơmâo tơlơi rơnuk rơnua kơ mơnuih [on sang amăng să, amăng plơi pla. Hrom hăng bruă ako\ pơdong, pơtrut tui bruă mă iâu pơthưr mơnuih [on sang djru hrom bruă wai pơgang tơlơi rơnuk rơnua dêh ]ar, ping gah, gong gai kơnuk kơna tơring glông Ea Sup, Daklak do\ gleng nao bruă git gai, tơhan kông ang, djă grong tơlơi mă bruă pơhlôm pơgăn tơlơi soh sat bruă kơđi ]ar. Tơhan kông ang dưi ako\ pơdong kjăp kơtang, dưi pơtô hrăm djơ\ hơnong, sit nik, thâo hroaih lom bruă mă, tơlơi pơmin kjăp, bruă kơđi ]ar thâo rơgơi, mă bruă hur har, mă bruă triăng kiăng djru kơ ană plơi pla. Hyu amăng plơi pla, je\ giăm mơnuih [on sang na nao, pok pơhai bruă mă  kiăng thâo ta` tơlơi pơhing, thâo hmar hăng kơsung blah mă pơkong mơnuih soh sat kiăng huăi gơ`u ngă pơrung pơrăng ană plơi pla.

Boh tơhnal dưi ngă amăng thun blan laih rơgao, tơhan kông ang tơring glông Ea Sup hơmâo e\p [uh, pơrai h^ lu tơlơi ngă soh, hơduah e\p 75 % mơta tơlơi soh kơđi anet, mă pơkong dram gơnam ngă soh jao kơ kơnuk kơna hăng brơi glăi kơ mơnuih [on sang. Hơdôm tơlơi pơgop prong anun, tơhan kông ang tơring glông Ea Sup hơmâo kơtưn ngă bruă pơgăn glăi tơlơi soh sat ngă ]i pơrung ană plơi, djă bong kjăp tơlơi rơnuk rơnua mơak klă kơ kual giăm goai dêh ]ar, hơđong brơi kơ mơnuih [on sang bơwih  [ong huă pơđ^ kyar sang ano\.

Nay Jek : pô ]ih hăng pôr