VOV4.Jarai - {ing mơnuih apăn bruă le\ tơhan hơđăp [ơi tơring c\ar Lâm Đồng lêng kơ djă pioh na nao pran hơdip hiam klă tui gru ‘’Ling tơhan rơnuk wa Hồ’’ amăng tơlơi hơdip r^m hrơi, ba gru amăng bruă mă, pơtrut pơsur mơnuih [on sang. Biă mă `u, [ing tơha hơđăp hơmâo gir run amăng bruă pơjing Ping gah, gong gai, pơgôp ngă hơđong tơlơi hơdip [ơi [on lan.

Ră anai, Khul tơhan hơđăp tơring c\ar Lâm Đồng hơmâo 14 khul grup, hăng rơbêh 28.300 c\ô ding kơna. Amăng hơdôm thun laih rơgao, djop gưl amăng Khul tơhan hơđăp tơring c\ar Lâm Đồng hơmâo djă pioh pran hơdip hiam klă tui gru ‘’Ling tơhan rơnuk Wa Hồ’’, tui gru grua Khul tơhan hơđăp dêh c\ar Việt Nam le\ ‘’Ke\ ph^, mut hro\m, ba gru, pơplih phrâo’’. Hro\m hăng anun, Khul tơhan hơđăp tơring c\ar to\ tui pơtrut kơtang bruă pơplông ‘’Tơhan hơđăp ba gru’’, đăo gơnang nao tơlơi git gai mơng Ping gah, gir kơtir mut hro\m amăng bruă jao [ơi [on lan. R^m thun djop gưl Khul tơhan hơđăp amăng tơring c\ar hơmâo pơjing jơlan hơdră, tơlơi pơsit, ako\ bruă kiăng ngă pơgiong hơdôm jơlan hơdră, tơlơi pơsit mơng Ping gah ba tơbiă.

 Hro\m hăng anun, djop gưl Khul tơhan hơđăp hơmâo gum hro\m hăng hơdôm gơnong bruă, khul grup [ơi [on lan pok pơhai ngă tui bruă jao yôm phun le\ pơtô pơblang, pơtô hrăm kiăng pơdah pran ba gru, kjăp bruă kơđi c\ar, ngă tui gru gru ‘’Ling tơhan rơnuk Wa Hồ’’, lêng kơ khut khăt lơ\m ngă tui bruă jao mơng Khul. Mơng anun, pơgôp prong prin amăng bruă ngă tui tơlơi pơsit mơng Ping gah tơring c\ar amăng pơđ^ kyar bơwih [ong huă - mơnuih mơnam, pơhlôm rơnuk rơnua [ơi [on lan.

Khul tơhan hơđăp Lâm Đồng jao sang gum pơgôp mơng [ing tơhan

 Tui hăng ju\ yap mơng Khul tơhan hơđăp tơring c\ar Lâm Đồng, ră anai đơ đam tơring c\ar hơmâo giăm 1.500 c\ô mơnuih mut Ping gah le\ ding kơna amăng khul tơhan hơđăp hơmâo ruah ngă mơnuih apăn bruă djop gưl Ping gah. {ing mơnuih apăn bruă, ding kơna amăng khul tơhan hơđăp glăk ngă Khua mua apăn bruă Ping gah, gong gai lêng kơ gir run amăng bruă mă djă pioh pran gơgrong mơng [ing gơ`u. Lu ding kơna amăng Khul tơhan hơđăp ngă khua git gai Ping gah, khua [ut plơi pla, ba gru, abih pran jua amăng bruă mă, hơdôm mơnuih [on sang đăo gơnang. Anai le\ [ing mơnuih ba jơlan hlâo amăng bruă pơjing anih anom kơđi c\ar [ơi [on lan, pơgôp ba tơlơi pơsit mơng Ping gah, hơdră bruă, tơlơi phiăn mơng Kơnuk kơna mut amăng tơlơi hơdip sit nik.

{ing mơnuih apăn bruă le\ tơhan hơđăp lêng kơ djă pioh pran hơdip hiam klă tui gru ‘’Ling tơhan rơnuk Wa Hồ’’, lêng kơ ba jơlan hlâo amăng bruă mă, pơtrut pơsur mơnuih [on sang… Amăng hơdôm thun laih rơgao, [ing mơnuih apăn bruă, ding kơna amăng khul tơhan hơđăp hơmâo pơyơr rơbêh 100.000 m2 lo\n, pơgôp hơdôm pluh klai prăk, hro\m hăng mơnuih [on sang man pơdong plơi pla phrâo. Biă mă `u amăng bruă ‘’Abih bang mơnuih wai pơgang lo\n ia’’, [ing apăn bruă, ding kơna, Khul tơhan hơđăo djop să, phường, tơring kual hơmâo gir run pơjing sa, dua hơbô| bruă hiam klă anun le\ ‘’Jua teng pơhlôm rơnuk rơnua’’, ‘’Amăng jang pơhlôm rơnuk rơnua’’, ‘’Bah amăng pơhlôm rơnuk rơnua’’, ‘’Grup wai pơgang mơng Khul tơhan hơđăp’’, ‘’Tơring đăo [u hơmâo mơnuih ngă soh hăng djup ho\t ma túy’’, ‘’Jơlan khul tơhan hơđăo wai lăng’’…R^m thun hơmâo 98% sang ano\ tơhan hơđăp arăng pơpu\ sang ano\ hơdip ba gru yâo mơ-ak, 95% mrô ding kơna le\ ding kơna hơdip ba gru hiam.

Amăng hrơi blan laih rơgao, djop gưl Khul tơhan hơđăp amăng tơring c\ar Lâm Đồng ăt juăt pơtrut bruă pơplông khăp kơ lo\n ia ‘’Khul tơhan hưođăp ba gru’’ djru tơdruă pơđ^ kyar tơlơi bơwih [ong huă, djru brơi tơlơi hơdip kơ [ing ding kơna. Khul tơhan hơđăp djop gưl hơmâo ako\ pơjing 12 grup mơnuih thâo bơwih [ong s^ mơdrô le\ tơhan hơđăp, grup tơhan hơđăp ngă hro\m bơwih [ong huă hăng 239 c\ô ding kơna, 50 anom bơwih [ong s^ mơdrô, 22 boh anom bơwih [ong hro\m, 35 boh grup gum hro\m bơwih [ong huă, pơhưc\ giăm 1.800 c\ô mơnui. Hơdôm khul grup anai hơmâo pok jơlan phrâo amăng pơlir hơbit bơwih [ong s^ mơdrô gơnam tam; pơjing tơlơi pơm^n bơwih [ong phrâo brơi kơ tơhan hơđăp mơng hơdôm jơnum pơc\rông sai, pơlăi nao rai găn rơgao mă yua boh thâo phrâo amăng bơwih [ong s^ mơdrô.

 Hro\m hăng anun, Khul tơhan hơđăp djop gưl amăng tơring c\ar Lâm Đồng hơmâo gum hro\m, pơlir hơbit kjăp hăng khul hlăk ai amăng bruă pơtô pơblang brơi [ing hlăk ai c\ơđai anet to\ tui djă pioh gru grua khăp kơ lo\n ia. Laih dong pơphun lu bruă mă yôm phu anun le\ jơnum tum pơ[ut khul ling tơhan; hyu c\uă jơmư; nao tu\i `ang, dưm guang bơnga [ơi pơsat tơhan djai pơsăn drơi; hơduah e\p glăi anih blah đưm, bơră ruai glăi gru grua đưm hlâo…

Ơi Trân Văn Bộ - Kơ-iăng khua Khul tơhan hơđăp tơring c\ar Lâm Đồng brơi thâo, pơ anăp anai, Khul tơhan hơđăp djop gưl amăng tơring c\ar amr to\ tui djă pioh hơdôm tơlơi dưi, kiăo tui tơlơi rơkâo, bruă jao [ơi [on lan hăng mơng Khul, pơtrut bruă pơplông khăp kơ lo\n ia, mut hro\m, gir run pơgiong bruă jao. Djă pioh gru grua ‘’Ling tơhan rơnuk Wa Hồ’’, djop gưl amăng Khul tơhan hơđăp amăng tơring c\ar to\ tui na nao amăng bruă pơtô pơblang brơi ding kơna, pơgôp pơgăn pơc\ut pơc\ao mơng [ing ngă sat, pơjing Ping gah tơpă sit, hơđong kjăp, pơhlôm rơnuk rơnua mơnuih mơna [ơi [on lan.

Siu Đoan: Pơblang