VOV4.Jarai-Amăng klâo blan blung  a thun anai ngă tui akŏ bruă brơi hyu tir, ĕp lăng tong ten jơlan glông, pơsir tơlơi soh ƀing mơgăt rơdêh hăng bruă ngă “Mơnuih hlăk mơgăt rơdêh mơ̆ amăng drơi jăn gơñu hơmâo ia tơpai, ia jrao ma túy ngă soh hnong pơkă ia kôn”, tơhan pơlih jơlan glông đơ đam dêh čar ta hơmâo pơsir 600 tơlơi soh amăng drơi jăn hơmâo ia kôn hăng jrao ma túy.

Lơ 15/3, đơ đam dêh čar ta hơmâo 24 wơ̆t tơlơi truh rơdêh pơjrom, ngă 8 čô mơnuih djai, 20 čô rơka. Tơlơi truh jơlan rơdêh treng, jơlan amăng ia huăi hơmâo ôh. Hrơi blung a pơphun hyu tir ngă soh hnong kôn, ia jrao ma túy, tơhan pơlih jơlan glông đơ đam dêh čar ta hơmâo ƀuh hăng pơsir 7 rơbâo 388 wơ̆t ngă soh, đŭ prăk duh kơ kơnuk kơna 7 klai prăk, amăng anun 604 wơ̆t ngă soh mơgăt rơdêh amăng drơi jăn hơmâo ia tơpai, hnong kôn kơtang, 2 čô hơmâo ia jrao ma túy.

Nay Jek: Pơblang