“Thun 2020 tơlơi bơwih [ong huă dêh ]ar ta ăt hơđong hăng mrô đ^ kyar GDP năng ai `u 7%”. Anai le\ tơlơi pơsit mơng [ing kơhnâo apăn bruă bơwih [ong [ơi mông bơkơtuai hăng ako\ bruă “Tơlơi bơwih [ong thun 2020: Tơlơi dưi đ^ kyar mơng mơnuih [on sang kual ASEAN”.

Thun 2019, tơlơi bơwih [ong huă Việt Nam đ^ kyar rơgao hơnong pơkă laih anun đ^ kyar lu hloh amăng kual ASEAN hăng amăng grup bơwih [ong huă klă hloh [ơi kual ASIA. Tui hăng mrô ju\ yap mơng Anom pôr pơhing hăng đăo lăng hlâo tơlơi bơwih [ong huă – mơnuih mơnam dêh ]ar, đ^ kyar GDP thun 2019 him lăng hơmâo 7,15%.

Anai le\ rơnoh lu hloh mơng Kơnuk kơna (6,8%) hăng rơnoh mơng Khua mua pơ ala mơnuih [on sang dêh ]ar jao le\ 6,6 -6,8%). Đ^ kyar bơwih [ong huă lu, tơlơi bơwih [ong prong ăt hơđong mơn, mrô pơplih nua gơnam CPI aset hloh amăng lu thun (năng ai `u 3%).

Mrô prăk kơnuk kơna huac\ aset hloh pơhmu hăng hơdôm thun hlâo, năng ai `u 3,54% GDP đôc\. Tơlơi dưi pơhno [ơi rong lo\n tơnah mơng Việt Nam đ^ 10 gưl, dong amăng mrô 67/141 boh dêh ]ar hơmâo dăp mrô bơwih [ong…Pô apăn bruă bơwih [ong ơi Ngô Trí Long pơsit:

“Thun 2019 tơlơi bơwih [ong prong hơđong kjăp, dua thun mơtăm [ing ta ngă rơgao rơnoh pơkă laih anun amăng thun anai 5 rơnoh pơkă dưi ngă rơgao, blơi s^ gơnam mơng dêh ]ar tac\ rơngiao rơbêh kơ 500 klai dolar Mi – anai le\ tơlơi klă hiam, ngă pơhưc\ prăk tuh pơ alin, gah mơnuih mơnam le\ dưi pơsir bruă mă kơ mơnuih kiăng bruă, pơplih phrâo tơlơi hơdip. Anai le\ hơdôm tơlơi pơplih bang bơngac\”.

{ing kơhnâo ăt pơsit mơn, thun 2020 tơlơi bơwih [ong huă Việt Nam hăng rong lo\n tơnah amra klă hloh. Tơlơi bơrơjah amăng bruă s^ mdrô kơplah wah Mi – Khac\ plai [iă mơn, yua hơmâo hră pơkôl laih amra hơmâo tơlơi đăo gơnang [ơi anih s^ mdrô.

Thun 2020, tơlơi bơwih [ong huă Việt Nam hơđong kjăp hăng đ^ kyar mơng 6,8 truh 7%, bruă arăng pơđ^ nua c\a c\ot tơdu trun năng ai `u 3,2 – 3,5%. Tui anun, anom bơwih [ong mă hơjăn ăt jing pô pơtrut đ^ tơlơi đ^ kyar bơwih [ong mơn.

Ơi Nguyễn Đức Thành, Khua anom kơsem min tơlơi bơwih [ong hăng jơlan hơdră ngă bruă, Đại học Kinh tế, Đại học Quốc gia lăi le\, hăng tơlơi gơgrong bruă ngă Khua ASEAN dêh ]ar ta amra tu\ mă lu tơlơi gêh gal c\i pơtrut pơđ^ kyar:

“Amăng hrơi mông mut hro\m mơng Việt Nam amăng thun 2020 mut amăng kual bơwih [ong huă ASEAN amra jai hrơi dlăm hloh, amăng thun Việt Nam amra thâo bơhmao tui anih s^ mdrô ASEAN mut hro\m dlăm hloh, ăt kah hăng hơdôm boh dêh ]ar amăng ASEAN ăt lăng Việt Nam kah hăng bah amăng dưi yak rơgao amăng kual, biă mă `u le\ dêh ]ar Khac\, Khul pơlir hơbit kual Mi kô|.

Thun 2020 Việt Nam gơgrong ngă Khua ASEAN, Việt Nam amra tu\ mă tơlơi gêh gal pơtrut đ^ tơlơi s^ mdrô amăng kual, ăt kah hăng bruă mă pơko\n djru pơđ^ kyar bơwih [ong huă, pơtom hiăp hăng dêh ]ar tac\ rơngiao mơng Việt Nam”.

Lu khul, grup jar kmar ăt hơmâo tơlơi pơsit klă hiam mơn hăng tơlơi dưi đ^ kyar bơwih [ong huă mơng Việt Nam amăng thun 2020, amăng anun pơsit, Việt Nam amra jing sa amăng hơdôm boh dêh ]ar c\ơkă mă tơlơi gêh gal klă hloh c\i pơđ^ kyar tơlơi bơwih [ong hăng pơplih phrâo anih s^ mdrô.

Biă mă `u, hrơi mông mut hro\m hăng jar kmar amra djru kơ Việt Nam ngă hro\m dlăm hloh dong hăng anom bruă ba s^ gơnam [ơi rong lo\n tơnah. Tơlơi mut hro\m hăng jar kmar mơng Việt Nam pơphun kơtang hloh tơdơi kơ Việt Nam gum k^ pơkôl 16 pok hră s^ mdrô mơ-ak dua bơnah, lu bơnah.

Hăng bruă k^ hro\m hră pơkôl phrâo, abih bang kah hăng EVFTA, CPTPP amra pok prong anih kơ Việt Nam, dưi ba s^ gơnam pơ lu dêh ]ar, gum hruă kjăp hloh tơlơi đ^ kyar./.

Siu H’Mai: Pơblang hăng pôr