Amăng 4 akŏ bruă Grup A, hơmâo 2 akŏ bruă mơng tơring čar Dak Lak, Gia Lai hăng Lâm Đồng, rĭm boh tơring čar hơmâo 1 akŏ bruă. Hơdôm akŏ bruă anai amnăp nao bơwih ƀong mơtah gơnam hiam klă, mơnong ƀong huă pơplih hăng hơdôm gơnam đang hmua, kyâo pơtâo, akan hơdang amăng ƀon lan; 1 akŏ bruă pơkra hơđuh sầu riêng jing hơdôm gơnam hơmâo nua.

Lăi nao hơdôm akŏ bruă ba nao pơplông amăng tal pơplông pơphun bơwih ƀong mơtah kual Tong krah-Dap kơdư thun anai, Khul pơphun ƀuh lu grup hơmâo tơlơi pơplih phrâo hăng gơnam tam mơng ƀon lan, pơplih mơng bruă ngă hmua hơdai nao mă yua djah djâo kiăng pơkra rai gơnam hơmâo nua. Mơnuih kơhnâo Phạm Chi Lan, pô črâo ba jơlan hơdră anai brơi thâo: Hơdôm akŏ bruă anai ăt brơi ƀuh bruă tơkuh nao rai, pơhrua nao rai, laih dong ƀơƀrư̆ pơphun mơtah, pơplih mrô tui hơdôm tơlơi pơtrun phrâo.