Tơlơi lăi pơthâo hơmâo ba tơbiă ƀơi mông jơnum mă tơlơi pơhing tlam lơ 1/6. Jơlan hơdră Vinh quang Việt Nam - Kơdrưh kơ-ang Việt Nam thun 2023 hơmâo anăn “Pran jua gir kơ bruă Việt Nam” hơmâo amăng lu bruă čơkă hrơi jơnum khul mut phung djŏp gưl, hăng mông jơnum tal 13 Khul mut phung Việt Nam; ngă lơphet 75 thun hrơi Khua mir sir Hồ Chí Minh iâu pơthưr bơkơtưn bruă khăp kơ lŏn ia (11/6/1948 - 11/4/2023).

16 khul grup mơnuih mơnam pơƀuh brơi pran jua kơtưn đĭ pơ anăp, bang hyu pran jua hiam amăng mơnuih mơnam hăng tơlơi pơmin hrưn đĭ, akŏ pơdong dêh čar trơi pơđao yâo mơ-ak hloh, pơsit tơlơi rơgơi, pran jua gir run mơng mơnuih ƀon sang Việt Nam, djuai ania Việt Nam. Jơlan hơdră hơmâo tơlơi git gai mơng Khul mơnuih mă bruă Việt Nam, tơlơi gum hrŏm mơng Khul pơplông bơkơtưn - apah bơni Dêh čar hăng hơdôm ding jum anom bruă, yua Hră pơhing Mơnuih mă bruă pơphun ngă.