165 tơlơi čih mut pơplông amăng lăm amăng tal pơplông čih tơlơi pơhing đơ đam dêh čar tal 18 thun 2023
Thứ bảy, 07:00, 01/06/2024
VOV/Siu Đoan Pơblang
VOV/Siu Đoan Pơblang
VOV4.Jarai-165 tơlơi čih lu puang hloh hơmâo ruah mut pơplông amăng lăm, anai lĕ tơlơi pơhing hơmâo lăi pơthâo amăng mông pơphun pơplông rơwang chung khảo tal pơplông čih tơlơi pơhing đơ đam dêh čar tal 18 thun 2023 yua Khul čih tơlơi pơhing Việt Nam pơphun amăng mơguah lơ 31/5 ƀơi Hà Nội.
Tui kơ-iăng khua khul čih tơlơi pơhing Việt Nam ơi Nguyễn Đức Lợi, tal pơplông čih tơlơi pơhing dêh čar thun 2023 tŏ tui hơdră čom puang mơng ataih tui plang čom puang Khul čih tơlơi pơhing Việt Nam hăng hơdôm tơlơi čih amăng hră pơhing điện tử, pôr pơhing, pơdah rup, hrŏm hăng bruă čom puang ƀơi anăp hơdôm tơlơi čih in amăng hră pơhing, hră pơhing hăng rup rap.
Amăng mrô 1 rơbâo 827 tơlơi čih pơhing amăng 11 pri, Khul pơphun rơwang Sơ khảo tŭ ư ruah 165 tơlơi pơhing mut amăng lăm. Anai lĕ hơdôm tơlơi čih yôm hloh hăng hơdôm boh tơhnal hăng pơdah djop mơta, lăi nao hơdôm bruă yôm phun amăng lŏn ia, pơhlôm djơ̆ kơđi čar, tơlơi yak nao, tơpă sit ba glăi tơlơi đăo gơnang mơng mơnuih mơnam.
Viết bình luận