Ngă tui Tơlơi pơtrun pơsit 60, lơ 12/4/2025 mơ̆ng Jơnum tal 11 Grŭp mă bruă Ping gah dêh čar tal 13, 3 bôh tơring čar Lâm Đồng, Dak Nông hăng Bình Thuận pơmut hrŏm sa anom mă bruă čar gưl tơring čar hăng mă anăn lĕ tơring čar Lâm Đồng, anom phun kơđi čar - bruă čar dưm ƀơi tơring čar Lâm Đồng ră anai.

Pioh tañ ngă giong hơdôm jơlan gah pơphun bruă mă, pơhlôm ha amăng plĕ, bruă mă ba glăi bôh tơhnal hăng pơkrem ngăn rơnoh čar, Jơnum min mơnuih ƀôn sang tơring čar Lâm Đồng rơkâo hơdôm gơnong bruă, jơnum min, anom bruă mơ̆ng tơring čar git gai, gum hrŏm hăng hơdôm bôh anom tui anun mơ̆ng 2 tơring čar Bình Thuận hăng Dak Nông pioh pơjing akô̆ bruă pơmut hrŏm. Akô̆ bruă khom pơhlôm rơnoh tui kơčăo bruă mơ̆ng tơring čar, ngă giong hăng mơ-ĭt kơ Anom bruă kơđi čar tơring čar Lâm Đồng pơsit, ruah mă hlâo kơ lơ 22/4 pơ̆ anăp. Tơdơi kơ pơmut hrŏm 3 bôh tơring čar Lâm Đồng, Bình Thuận hăng Dak Nông, tơring čar phrâo Lâm Đồng hmâo abih bang kual lŏn 24.233 km kơ rê, mrô mơnuih giăm truh 3.300.000 čô mơnuih./.