Tui hăng tơlơi pơkôl anai, mơ̆ng thun 2023-2026, dua bơnah pok pơhai ngă hrom lu bruă mă djru pơblih yua mrô kơ tơdăm dra mut phung hăng hlăk ai prăp lui kơ bruă bơwih ƀong huă sĭ mơdrô tui atur mrô, biă mă ñu ƀing hlăk ai amăng kual plơi pla. Vietnam Post ngă hrom anom bruă tơdăm dra mut phung dêh čar pơtô hrăm kơ hlăk ai amăng dêh čar thâo hluh hăng pơblih yua mrô, laih dơ̆ng pơtô brơi tơlơi thâo thăi amăng bruă mă yua mrô sĭ mơdrô gơnam amăng internet kah hăng ba yua pôr pơhưč sĭ mơdrô marketing phrâo, tơlơi thâo pơdah ĕp lăng gơnam sĭ mơdrô  hmao klôn livestream, čih pơkra boh yôm phun pơdah rup, gơnam tam sĭ mơdrô marketing kơ tuai ĕp lăng, wai lăng hăng djru ba mơnuih blơi yua...

Vietnam Post djru kơ ƀing tơdăm dra hlăk ai amăng dêh čar gơnam sĭ mơdrô tui boh thâo ia rơgơi anăn Postmart.vn. Hrom hăng anun, Vietnam Post ăt djru ba tơlơi pơhing pôr pơthâo bruă mă mơ̆ng hlăk ai tơdăm dra mut phung, gơnam OCOP, gơnam sĭ mơdrô phrâo pơphun bruă mă yua hlăk ai tơdăm dra ngă pô pioh lăi pơthâo ƀơi djop sang dăng kông să, tơring glông, tơring čar hăng djop glông bruă sĭ mơdrô online mơ̆ng Vietnam Post.