Ăt amăng hơdră mă bruă jơnum lok 7, khua mua pơ ala mơnuih ƀôn sang dêh čar tal XV, hrơi anai lơ 30/5, ƀing pơ ala mơnuih ƀôn sang dêh čar mă bruă hrơi tal hơpluh hăng hơdôm boh yôm phun pơdjơ̆ nao him lăng hơdră mă bruă krăp lăng mơ̆ng khua mua pơala hăng bruă kơnuk kơna thun 2025; Hơdră čih pơkra tơlơi phiăn, hră pơtrun thun 2025, dăp glăi hơdră čih pơkra tơlơi phiăn, hră pơtrun thun 2024; pơsit rơnoh prăk kơnuk kơna; Tơlơi phiăn Bruă tuh tia pơkra ming gah ling tơhan, bruă pơgang lŏn ia hăng pơtrut pơsur ming pơkra măi mok.

Pok mông jơnum mơguah, ƀing pơ ala mơnuih ƀôn sang dêh čar hmư̆ Khua čih pioh sang bruă pơ ala mơnuih ƀôn sang dêh čar lăi pơthâo Hră pơkă hlâo Hơdră krăp lăng mơ̆ng ƀing pơ ala mơnuih ƀôn sang dêh čar amăng thun 2025; laih anun pơčrong sai ƀơi sang jơnum prong kơ anŏ pơkă lăng hlâo hơdră krăp lăng anai. Tŏ tui dơ̆ng, ding kơna Jơnum min apăn bruă phun pơ ala mơnuih ƀôn sang dêh čar, Khua Jơnum min Tơlơi phiăn gah anom bruă pơ ala mơnuih ƀôn sang dêh čar lăi pơthâo hră pơkă hlâo hơdră čih pơkra tolơi phiăn, hră pơtrun thun 2025, dăp glăi Hơdră mă bruă čih pơkra tơlơi phiăn, hră pơtrun thun 2024. Tơdơi kơ anun, ƀing pơ ala mơnuih ƀôn sang dêh čar pơčrong sai amăng sang jơnum prong kơ djop mơta bruă mă boh yôm phun lăi nao.