Tui hăng tơlơi lăi pơthâo mơ̆ng anom bruă Khua tơhan blah ngă ƀôn prong HCM, mơ̆ng kơnôl 23/6 truh abih kơnôl 14/9, djop khul ling tơhan ngă bruă hơmâo ƀuh hăng rŭ kuai đĭ 632 per tơlang ƀing tơhan djai pơsăn drơi jăn yua kơ lơ̆n ia ƀơi anih hlăk hơduah ĕp, rŭ kuai amăng đang bơnga Lê Thị Riêng.

Ƀuh ƀô̆ mơta nao tơña bla hăng pơhiăp tom ƀing tơhan hơđăp Biệt động Sài Gòn, Thiếu tướng ơi Nguyễn Thành Trung-khua anom kơđi čar sang bruă khua tơhan blah ngă ƀôn prong HCM brơi thâo, anom bruă tơhan hlăk pơƀut glăi črăn bruă tal sa amăng tal pơphun bruă mă 500 hrơi mlam hơduah ĕp, rŭ kuai hăng pơsit anăn krăn pô tơlang tơhan djai pơsăn drơi jăn yua kơ lơ̆n ia, amăng anun ƀơi đang bơnga Lê Thị Riêng. Him lăng amăng akŏ blan 10/2026, anom bruă kơnuk kơna pơphun ngă yang nao jôk hăng pơyua tơlang ƀing tơhan djai pơsăn drơi jăn yua kơ lơ̆n ia hơmâo ĕp ƀuh ƀơi đang bơnga Lê Thị Riêng.