Tui akŏ bruă, dua boh tơring čar amra pơmut jing tơring čar phrâo hăng anăn Gia Lai, hăng anom mă bruă phun pơdong ƀơi plơi prong Quy Nhơn. Tơring čar Gia Lai phrâo prong rơbêh 21.576 km karê, mrô mơnuih rơbêh 3,58 klăk čô hăng 135 anih anom mă bruă gưl să. Amăng mông jơnum, djop bơnah tŭ ư hăng tơlơi pơkă dưm dăp anih anom, kah pơpha mơnuih apăn bruă kiăng ngă bruă tŭ yua mơtăm tơdơi kơ pơmut hrŏm, ngă gêh gal brơi kơ bruă pơđĭ kyar phrâo.

Khua git gai Ping gah tơring čar Bình Định Hồ Quốc Dũng lăi pơtong: bruă dưm dăp anih anom hăng pơpha mơnuih apăn bruă kiăng ngă tong ten, pơhlôm brơi klă, tŭ yua. Khua git gai Ping gah tơring čar Gia Lai Hồ Văn Niên brơi thâo, akŏ bruă hơmâo pơhlôm mut hrŏm mơng gơnong glông, gong gai djop gưl truh pơ hơdôm khul grup kơđi čar-mơnuih mơnam. Khul pơ ala mơnuih ƀôn sang dua boh tơring čar ăt ba tơbiă tơlơi pơtrun mut hrŏm hăng tơlơi pơtrun anai.