Mơguah lơ 19/2, ƀơi plơi prong Plei Ku, tơring čar Gia Lai, Binh đoàn 15 jơnum prong hơdor glăi 40 thun hrơi gru grua akŏ pơjing Binh đoàn. Ră anai anom bruă tơhan Binh đoàn hơmâo wai lăng rơbêh 44.295 ha đang kơsu, 400 ha hmua pơdai ia dua bơyan, đang añăm pơtam, hrŏm hăng 6 boh sang măi pơkra glăi kơtăk kơsu, jua kơtang 55.000 tơn sa thun.

Binh đoàn hơmâo pơgôp hrŏm truh 2.800 klai prăk amăng ngăn drap kông ngăn dêh čar, pơsir bruă mă brơi kơ 16.000 čô mơnuih hơmâo bruă mă hơđong, amăng anun 60% lĕ mơnuih djuai ƀiă. Hrom hăng bruă pơđĭ kyar bơwih ƀong huă, Binh đoàn 15 đing nao biă mă kơ bruă jak iâu, pơtô lăi mơnuih ƀôn sang, djru pơsir tơlơi lui rơmŏn kŏn rin,man pơdong plơi pla phrâo. Sang bruă anai hơmâo djru man pơdong hăng ming pơkra phrâo 1.500 km jơlan glông nao rai, 400 km hrĕ apui, hrŏm hăng lu sang jơnum plơi, sang tơdăm rông (juăt lăi sang rung), sang ia jrao hăng sang hră.