Dŏng amăng hơdôm bruă mă Blan Hlăk ai hăng Blan Tlâo guai dêh čar thun 2023, ƀơi tơdron čuah ia rơsĭ să Giao Hải, tơring glông Giao Thuỷ, tơring čar Nam Định, Puih kơđông pơgang guai dêh čar ƀơi Quất Lâm, Ling tơhan pơgang guai dêh čar tơring čar Nam Định hrom hăng Anom kơsem min Việt Nam hăng bôh thâo phrâo pơđĭ kyar – Đại học lŏn ia ta ƀơi Hà Nội, Jơnum min mơnuih ƀôn sang să Giao Hải hăng sa dua bôh anom pơkon gum hrom pơphun Bruă “ngă hơdjă tơdron čuah ia rơsĭ” hăng anăn ñu “Gum tơngan hrom ngă hơdjă ia rơsĭ Giao Hải – Gum ngă brơi ia rơsĭ mơtah hloh”.

Hăng tơlơi gum hrom mơng rơbêh kơ 400 čô mơnuih apăn bruă tơhan, ling tơhan, čơđai sang hră, ƀing hrăm gưl dlông, mơnuih amăng khul hlăk ai, tơdăm dra ha amăng plĕ pơphun hyu duñ pơƀut djah, agaih rơmet rôk tui hang ia rơsĭ să Giao Hải. Bruă mă kiăng djru mơnuih apăn bruă, čơđai sang hră, ƀing hrăm gưl dlông, mơnuih amăng khul hlăk ai, tơdăm dra hăng mơnuih ƀôn sang thâo bôh nik djah kơ su ƀơi kual kơtuai hang ia rơsĭ Giao Hải, thâo ƀuh hơdôm mơta djah, djuai djah kơ su lu hloh, thâo hluh anô̆ bơdjơ̆ nao mơng djah kơ su truh ia rơsĭ hăng mơnuih mơnam plơi pla. Mơng anun pơđĭ tui tơlơi pơmin mơng mơnuih mơnam gah tơlơi djah djâu, iâu pơthưr djop mơnuih gum tơngan hrom pơgang ia rơsĭ, pơjing anih anom klă hiam, hơdip tâ̆o, hmâo yua kơ djop mơnuih...