Ngă bruă anai mơ̆ng lơ 01 truh lơ 30 blan 6, Blan ngă bruă yua kơ čơđai muai thun anai kiăng ngă tui djơ̆ tơlơi pơtrun mơ̆ng Tơlơi phiăn čơđai muai kơ Blan ngă bruă yua kơ čơđai muai rim thun kiăng pơtrut bruă ngă hrŏm abih bang amăng mơnuih ƀôn sang djru wai lăng pơgang ba, pơtô pơhrăm čơđai muai; pơtô pơblang pôr pơthâo, jak iâu, pơtrut djop sang bruă, gưl anom bruă, sang anŏ, djop mơnuih ngă tui jơlan hơdră mơ̆ng kơnuk kơna pơtrun pioh kơ čơđai muai, hơdră mă bruă, akŏ bruă, pơphun brơi man pơdong ring bruă hăng jak iâu mơnuih djru bruă pioh kơ čơđai muai; laih dơ̆ng pok pơhai bruă mă, ngă tui Hră pơčrâo mrô 28, lơ 25/12/2023 mơ̆ng Ding jum kơđi čar kơtưn wai lăng, pơgang, pơtô hrăm hăng čem rông ba čơđai muai ngă djơ̆ anŏ kiăng pơđĭ kyar lŏn ia dưi pơdrong sah, hyuk hyak mơak klă.

Tơlơi pơhiăp anai hăng boh pia mơ̆ng Blan ngă bruă yua kơ čơđai muai thun anai kiăng pôr pơthâo, mơ-it nao kơ rim čô mơnuih ƀôn sang amăng khul mơnuih mơnam lĕ Ngă bruă sik nik, đing nao kơ mơnuih djru čơđai muai; đing nao kơ bruă pơhrăm čơđai muai kiăng ngă djơ̆ anŏ kiăng pơđĭ kyar lŏn ia dưi pơdrong sah, hyuk hyak mơak klă; Pơhlôm gơgrong brơi bruă pơgang tơlơi dưi kơ ƀing čơđai muai jing anŏ phun mơ̆ng jơlan hơdră, bruă mă pơđĭ kyar lŏn ia; abih bang mơnuih ƀôn sang wai lăng, pơtô hrăm hăng pơgang čơđai muai.