Ngă Lơphet čơkă dưi pơphun yôm phăn gah yŭ tơlơi git gai mơ̆ng Đại tướng Phan Văn Giang, Khua Ding jum Khul ling tơhan dêh čar Việt Nam. Tơdơi kơ mông ngă Lơphet čơkă, Khua Ding jum Khul ling tơhan 2 bôh dêh čar ngă tui phiăn ngă lơphet kơkuh gŏng pŏng guai dêh čar; pla kyâo giăng mah guai dêh čar Việt Nam – Khač ƀơi Bah amăng jăng jar kơmar Lào Cai, Khua Ding jum Phan Văn Giang pik ia ping tuir pŏng gŏng guai dêh čar 102 (2) bơnah gah dêh čar Việt Nam.

Amăng rơwang bơkơtuai, Khua Ding jum Phan Văn Giang hăng Khua Ding jum Đổng Quân hrŏm hăng Grŭp khua pơ ala kơ Ding jum khul ling tơhan 2 bôh dêh čar nao pơhmư̆ mông ngă lơphet trơ̆i bơnal mă yua Sang bôh thâo giăng mah guai dêh čar Việt Nam -–Khač; čuă hăng ƀơk gơnam tam kơ Sang hră gưl sa Kim Đồng (plơi prong Lào Cai); čuă Puih kơđông pơgang guai dêh čar ƀơi Bah amăng jang jar kơmar Lào Cai. Khua Ding jum Khul ling tơhan 2 bôh dêh čar Việt Nam – Khač ăt nao pơhmư̆ mơn mông ngă lơphet kĭ pơkôl hơdôm hră pơ-ar gum hrŏm./.