Nao pơhmư̆ mông bơkơtuai hmâo ơi Trần Tuấn Anh, Ding kơna Ding jum kơđi čar, Khua Grŭp bơwih ƀong dêh čar, khua pơ ala hơdôm ding jum, gơnong bruă, khua mua 5 bôh tơring čar kual Dăp Kơdư, ƀing juăt bruă bơwih ƀong, mơnuih kơsem min, hơdôm bôh anom bơwih ƀong. Amăng mông bơkơtuai, ƀing khua pơ ala hmâo tơpă črâo tơbiă hơdôm bruă akă dưi ngă amăng wai lăng, pơgang pơlar dlai tlô mơng Dăp Kơdư ră anai.

Anun lĕ lŏn dlai ƀiă tui tañ yua kơ phă dlai, gô̆ mă lŏn dlai, mă kyâu ƀu djơ̆ phiăn. Bruă kơdŏng glăi mơnuih pơgang dlai tlô hmâo na nao jai hrơi jai kơtang tui. Bruă lăi pơhing pơsur khă ngă tui na nao samơ̆ bôh tơhnal akă ƀu prong ôh... Hơdôm tơlơi gum lăi pơthâo hmâo pơdah amăng mông bơkơtuai hmâo đing nao hơdôm tơlơi pơsit hơdră bruă, tơlơi phiăn lŏn drŏn mă yua ră anai; pơblang sa dua hơdră pơkă, hơdră bruă pơjing pran pơtrut, pơđĭ tui bôh tơhnal wai lăng, pơgang hăng pơlar dlai tlô./.