Lơ 19/5, ƀơi plơi prong Quy Nhơn, tơring čar Bình Định, Grŭp pơphun bruă Ping gah dêh čar gum hrom hăng Ping gah tơring čar Bình Định pơphun bơkơtuai “Bruă pơlar mơnuih ping gah amăng čơđai sang hră, čơđai gưl dlông kual Tŏng Krah hăng kual Dăp Kơdư”. Yă Trương Thị Mai, Khua Grŭp pơphun bruă Ping gah dêh čar ta git gai hăng črâo ba bruă bơkơtuai. Amăng mông bơkơtuai, khua mua sa dua bôh sang hră Đại học ƀơi kual Tŏng Krah hăng kual Dăp Kơdư lăi lĕ, bruă pơlar mơnuih ping gah amăng čơ đai sang hră, čơđai gưl dlông hơdôm hrơi rơgao dưi hmâo hơdôm bôh sang hră đing nao, djru pơjing bruă pơlar mơnuih ping gah. Khă hnun hai, jơlan gah pơtô juăt pơhmăi truh bruă Khul, jơnum hơbit mơng čơđai gưl dlông anun akă hmao thâo bôh than phrâo.

Hơdôm tơlơi gum pơhiăp amăng mông Bơkơtuai hmâo ngă rơđah hloh hơdră ngă juăt hăng bôh thâo phrâo, hơdôm jơlan gah pơsir ha amăng plĕ hăng lăi pơthâo hơdră ngă thâo pơlar mơnuih ping gah amăng čơđai sang hră, čơđai gưl dlông. Pơhiăp alăng mông bơkơtuai, Yă Trương Thị Mai, Khua Grŭp pơphun bruă Ping gah dêh čar rơkâo, pơ̆ anăp anai Ping gah tơring čar, Ping gah plơi prong hăng Gưl ping gah hơdôm bôh sang hră gưl dlông, sang hră gưl 3 ƀơi kual Tŏng Krah hăng kual Dăp Kơdư khom đing nao hloh dong bruă pơlar mơnuih mut ping gah amăng čơđai sang hră, čơđai gưl dlông./.