Amăng hơdôm thun rơgao, ƀôn prong Hồ Chí Minh hăng hơdôm bôh tơring čar kual Dơnung dêh čar hmâo laih hơdôm bôh tơhnal klă amăng tơlơi pơđĭ kyar bơwih ƀong – mơnuih mơnam mơng kual hăng mơng đơ đam dêh čar. Hluai tui jơlan hơdră pơlir hơbit gum hrom mơng thun 2016 truh ră anai, tơring čar Bình Phước hmâo pơhrui laih 127 rơwang bruă mơng hơdôm bôh anom bơwih ƀong ƀôn prong Hồ Chí Minh nao tuh pơplai, hăng mrô prăk mă yua năng ai ñu 7 rơbâo 500 klai prăk.

Bơ̆ amăng rơwang mơng thun 2014-2020, hơdôm bôh anom bơwih ƀong ƀôn prong Hồ Chí Minh nao pơ̆ Tây Minh tuh pơplai 42 rơwang bruă hăng rơbêh kơ 7.100 klai prăk. Mơng ră anai truh thun 2030, ƀôn prong Hồ Chí Minh kĭ dong jơlan hơdră gum hrom hăng hơdôm bôh tơring čar kual Dơnung dêh čar. Bôh yôm kĭ pơkôl jum dar tơlơi pơkă kual lŏn; hơdră git gai pơđĭ kyar kual; tô nao rai kơplah wah gơnam hmâo hăng gơnam blơi yua, pơtrut tuh pơplai – sĭ mơdrô; tô nao rai jơlan glông, anom mă yua măi mok, anih sĭ mơdrô; bruă pơtô pơhrăm, bruă ia jrao, pơtô juăt mơnuih mă bruă; bôh thâo phrâo măi mok, pơplih mrô./.