Bruă jơnum kiăng pel ĕp glăi rơnoh bruă, pel ĕp anô̆ kơjăp bruă prăp lui kơ hơdôm bruă mă phun kah hăng ngă lơphet hơdor glăi, rơbat trui. Truh ră anai, ƀôn prong hmâo ngă giong laih 8 djuai bruă prong, amăng anun hmâo lu bruă jơnum yôm phăn kah hăng jơnum bưp ƀô̆ mơta mơnuih tha rơma ngă hơkrŭ đưm, jơlan hơdră adôh suang "Lŏn ia pơhlôm tơlơi mơ-ak”, mông pơdah pĕ gông atông brô̆ “Bản giao hưởng hòa bình”…

Ơi Nguyễn Văn Nên rơkâo abih bang mơnuih apăn bruă, mơnuih mă bruă čar pơsit pran jua "Ngă abih bruă ƀu abih mông ôh”, pơplih pô mă bruă, pơpha mông mă bruă kiăng pơhlôm rơnoh bruă hăng anô̆ kơjăp ñu dlông hloh kơ hơdôm bruă mă hơdor glăi. Mơmot lơ 25/4, ƀơi jơlan Lê Duẩn, Quận 1, ƀôn prong Hồ Chí Minh pơphun mông pơhrăm rơbat trui gưl Kơnuk kơna prăp lui kơ jơnum prong lơ 30/4 pơ̆ anăp./.