Hrŏm hăng bruă pơphun lu jơnum pơsur tuh pơ alin, sĭ mơdrô, tô nao rai sĭ gơnam tam, lăi pơthâo tơlơi dưi, tơlơi gal hăng hơdôm gơnam đang hmua yôm phara mơng hơdôm boh ƀon lan tơl gơyut gơyâo amăng lŏn ia hăng tač rơngiao, bruă ngă hrŏm dua bơnah kơplah wah ƀôn prong Hồ Chí Minh hăng 5 boh tơring čar kual Dap kơdư ƀơƀrư̆ đing nao, hăng 23 boh tơhnal ngă hrŏm hơmâo pok pơhai ha amăng plĕ. Amăng anun, kơnong jơnum pơsur tuh pơ alin yua ƀôn prong Hồ Chí Minh pơphun amăng blan 4/2024 hơmâo djru brơi 5 boh tơring čar kual Dap kơdư iâu pơthưr tuh pơ alin amăng 558 akŏ bruă, hăng abih tih prăk tuh pơ alin rơbêh 300 rơbâo klai prăk; lu hră pioh hơdor ngă hrŏm amnăng bruă ia jrao, djru ba mơnuih mơnam hơmâo kĭ hăng ƀơƀrư̆ pok pơhai ba glăi tŭ yua.

Jơnum ăt pioh lu hrơi mông pơčrông sai, pơlăi nao rai hơdôm boh tơhnal kơ bruă tuh pơ alin brơi anih anom sĭ mơdrô, pơđĭ kyar kual pla pơjing hơđong kjăp, hơđong hăng tơlơi dưi ngă hrŏm amăng bruă ngă hmua; pơjing bruă pơlir ngă hmua, đang glai, rông akan hơdang, ngă hmua yua boh thâo phrâo pơlir hăng tuai čuă ngui pơ đang glai; pơtrut kơtang jơlan hơdră ngă hrŏm wai lăng gơnam hiam hơdjă kơplah wah ƀôn prong Hồ Chí Minh hăng hơdôm boh tơring čar kual Dap kơdư….