Mơ̆ng akŏ thun truh ră anai, tơring hơmâo čơkă rơbêh 41.700 wơ̆t tuai, amăng anun hơmâo rơbêh 2.100 wơ̆t tuai mơ̆ng jar kmar laih anun dưi ngă rơnoh pơkă amăng sa thun mơtăm 173.000 wơ̆t čô tuai. Tuai nao ngui hơđong, lơ̆m mrô tuai mơ̆ng 40.000 thun 2022 jing 155.000 wơ̆t čô amăng thun 2025.

Tơlơi gêh găl yua hơmâo anih anom, ayuh hyiăng adai mơak, hiam, hrŏm hăng gru grua ană plơi anai jing djru Phú Qúy pơhưč tuai nao ngui, hăng lu bruă či ngui kah hăng hyu sem lăng anih anom, ra mơnŏng mơ̆ng ia rơsĭ, plơi pla, bơkơjăp drơi jăn ƀơi ia rơsĭ. Rơngiao kơ anun, tơring Phú Qúy glăk pơkra ming hiam jơlan nao rai, bruă pơgiăng tuai, sang jưh tuai hăng ia či yua, laih dong sem lăng pok jơlan rơdêh por đah mơ̆ng dưi pơtruh nao rai čơkă tuai hyu ngui tơdah adai ƀu lăp, anăp nao đĭ kyar hơđong./.