Amăng mông bưp, Khua git gai pơ ala mơnuih ƀôn sang dêh čar ơi Trần Thanh Mẫn pơsit tong Việt Nam lêng kơ lăng Kazakhstan lĕ bơnah ngă hrŏm yôm phăn amăng kual Tong krah Asia, laih dong lăng yôm tơlơi glăm ba hăng kơdrưh ang jai prong tui mơng Kazakhstan amăng jar kmar.

Kơ bruă hrŏm amăng Ƀirô Khua pơ ala mơnuih ƀôn sang dêh čar, Ơi Trần Thanh Mẫn rơkâo dua Ƀirô mă bruă kơtưn pơbưp nao rai khua mua pơprong mơng Ƀirô Khua pơ ala mơnuih ƀôn sang dêh čar, ƀing khua pơ ala mơnuih ƀôn sang hlăk ai, đah kơmơi, hơdôm jơnum min hăng pơlăi nao rai tơlơi găn rơgao ngă tui bruă krăo lăng, čih pơkra tơlơi phiăn amăng hơdôm bruă akŏ phun amăng lŏn ia; kơtưn pơbưp, črâo ba hăng gum hrŏm kjăp phik amăng hơdôm mông jơnum jar kmar, amăng kual; tŏ tui dong yua tơdruă amăng hơdôm bruă dua bơnah đing nao.