Ƀơi mông tŭ jum, Khua dêh čar ơi Lê Minh Hưng pơpŭ kơ tơlơi pơsit brơi anŏ gêh găl ngă hrŏm bơwih ƀong huă, sĭ mơdrô hăng tuh pơ alin jai hrơi dlăm hloh plah wah dua kơnuk kơna. Lăi dlăm tơlơi kiăng đĭ kyar tañ samơ̆ khŏm hơđong kjăp, lăng tơlơi hơdip mơnuih ƀôn sang yơh akŏ phun, Khua dêh čar brơi thâo, Việt Nam khŏm kjăp bruă prăp mă pô hăng pơplih hơbô̆ bruă đĭ kyar kiăo tui boh thâo ia rơgơi, pơčeh phrâo hăng mă yua boh thâo mrô.

Việt Nam ƀuăn pơklaih brơi tơlơi dŏ kơđông, pơgăn đĭ kyar, čih pơkra giong tơlơi pơtrun, tơlơi pơkă hơdră djru ngă bruă đah mơ̆ng klă hloh kơ hơdôm anom bruă tuh pơ alin mơ̆ng čar rơngiao, biă ñu lĕ anom bơwih ƀong mơ̆ng čar Mi. Pơsit čar Mi jing gŏp ngă hrŏm yom biă mă, Khua dêh čar čang rơmang pơtrut tui tơlơi ngă hrŏm hlom bom amăng abih bang bruă plah wah Việt Nam - Mi sit nik, yua kơ tơlơi gêh găl mơ̆ng mơnuih ƀôn sang hăng anom bơwih ƀong dua boh dêh čar, gum pơgôp kơ tơlơi rơngai hăng pơdrong sah amăng kual./.