Bruă kĭ pơkôl anai kiăng pơtruh pơplih mrô amăng djop mơta, ngă atur pơtrut pơđĭ kyar bơwih ƀong huă-mơnuih mơnam amăng tơring čar Dak Lak rơwang phrâo. Tui boh tơhan hơmâo kĭ, dua bơnah đing nao ngă hrŏm amăng hơdôm bruă phun amăng pơđĭ kyar gong gai mrô, anih anom mrô, bơwih ƀong mrô hăng mơnuih mơnam mrô. Akŏ phun lĕ pok pơhai hơdôm glông mă yua gong gai điện tử, anih pơsir hĭ bruă ngă hră pơ-ar, anom bruă wai lăng rơgơi.

Mobifone ƀuăn amra gum hrŏm tơring čar Dak Lak pok pơhai akŏ bruă mrô 06 mơng Kơnuk kơna hăng tơlơi pơtrun mrô 57 mơng Ding jum kơđi čar, pơgôp pơtrut yua boh thâo phrâo, pơplih pơčêh phrâo hăng pơplih mrô amăng ƀon lan. Ơi Đỗ Hữu Huy, Khua Jơnum min mơnuih ƀôn sang tơring čar Dak Lak brơi thâo, bruă kĭ pơkôl kiăng ngă atur pok pơhai ha amăng plĕ bruă pơplih mrô amăng đơ đam tơring čar.