Tui anun, lŏn dŏ rơbêh mơ̆ng Kơčăo bruă pơkra jơlan đuăi hmar Khánh Hoà - Buôn Ma Thuột năng ai 30.000m3, ră anai glăk tuh ƀơi tơdron mrô 4 (să Vụ Bổn). Bruă ba nao lŏn ƀu yua anai či pơbôr jơlan đĭ hăng tơdrông tơtoa Krông Bông hơmâo ruah, yua ñu jê̆ ƀiă pơhmu hăng hơdôm tơdron tuh djah pơkŏn. Ră anai, hơdôm anom bruă bơdjơ̆ nao glăk ngă hră pơ-ar đah mơ̆ng rơnuč blan 4 anai, anom bruă gơgrong pơkra amra pơgiăng nao lŏn ia dor bơbôr đĭ jơlan.

Tơdrông Krông Bông hơmâo amăng kơčăo bruă dưm dăp, ngă hơđong anih ană plơi dŏ ƀơi să Vụ Bổn (tơring glông Krông Pač hơđăp). Tơdrông phun mơtăm hơmâo pơkra giong mơ̆ng rơnuč thun 2023 laih. Samơ̆ yua dŏ hơmâo mơn sa boh sang aka ƀu pơdŭ đuăi ôh, laih anun kơƀah lŏn či pơbôr đĭ anun yơh truh ră anai tơdrông aka ƀu hơmâo mă yua. Pô gơgrong man pơkra hrŏm hăng gong gai glăk pơsir hĭ tơlơi dŏ gun, gir ba yua tơdrông anai mơ̆ng blan 6 thun anai./.