Ƀơi mông ngă bruă, ƀing khua kiăng pơtrut ngă hrŏm djŏp anom bruă samơ̆ khŏm rơđah pô, rơđah bruă mă, rơđah pô gơgrong, pơtrut mă yua boh thâo ia rơgơi pôr pơhing, pơtruh tơlơi pơhing, hră pơ-ar bơdjơ̆ nao bruă bong glăi tơlơi truh lŏn adai hăng, pơƀut ngă klă bruă pôr pơthâo, lăi lui hlâo tañ, mơ̆ng ataih. Klah čun mông ngă bruă, Kơ-iăng khua dêh čar ơi Hồ Quốc Dũng lăi: him lăng thun anai, ayuh hyiăng lŏn adai phara biă mă, amuñ hơmâo tơlơi truh sat. Tơlơi truh lŏn adai ngă ƀu kơnong ngă rơngiă dram gơnam, djai mơnuih đôč ôh ăt ngă tơdu abih tơlơi bơwih ƀong.

Kơ-iăng khua dêh čar kiăng hơdôm ding jum khŏm lăi pơthâo hlâo, pơgang hmao kru, prăp rơmet djŏp gơnam yua măi mok, lăng glăi djŏp bruă kiăng ngă. Hlâo kơ bơyan hơjan kơthel, akŏ pơdong grup hyu sem lăng, pel ĕp tong ten rim hơdră pơgang, pơhlom brơi anŏ klă bruă pơgang hăng anŏ kjăp bruă bong glăi tơlơi truh, bruă kiăng ngă hlâo hloh lĕ pơgang ba tơlơi hơdip hăng dram gơnam mơ̆ng mơnuih ƀôn sang./.