Amăng anun, anom bruă mă gơnam amăng gŭ lŏn hăng bruă tuh tia pơkra ming, pơjing rai lêng kơ đĭ rơbêh 22%; pơkra ming hăng sĭ mơdrô apui yua đĭ hloh 12%. Yap pơ alin hrŏm hơdôm blan akŏ thun, mrô rơnoh pơkă kơ bruă tuh tia pơkra ming mơ̆ng tơring čar Lâm Đồng đĭ tui rơbêh 8% pơkă hăng tal anai thun hlâo.

Djă hnơ̆ng rơnoh pơđĭ kyar hiam klă amăng bruă, mă pơkra boh pơtâo pioh man pơdong đĭ tui 21%, añam pơtam pơkra ming jing gơnam sĭ mơdrô hơmâo 16.000 tơn, đĭ hloh 12%; rơnoh apui yua đĭ 7%; gơnam bosit ñôm hơmâo rơbêh 642.000 tơn. Ră anai, tơring čar hlăk pơsir hĭ hơdôm tơlơi gun amăng kơčăo bruă pơkra sang măi apui pơkĕ jua angin pioh pơkĕ hăng hrĕ apui yua hrŏm amăng blan 6 anai, kiăng pơgôp hrŏm jua kơtang pơđĭ kyar tuh tia pơkra ming hăng măi mok.