Amăng mrô kơčăo bruă dưi mă yua prăk kơnuk kơna ƀơi tơring čar, hơmâo 6 kơčăo bruă aka ƀu dưi tŭ mă prăk tuh pơ alin kơ bruă kơsem min.

Kah hăng akŏ bruă kơsem min atur djă pioh mrô rơnoh bơwih brơi bruă git gai, wai lăng pơgang tơlơi rơnuk rơnua plơi pla, hơmâo jao ngă hăng rơnoh prăk 944 klăk prăk; kơčăo bruă ba yua ia rơgơi phrâo IoT kơ bruă man pơdong, čuk pơkra jơlan glông rơgơi hăng rơnoh prăk 1,2 klai prăk; kơčăo bruă ba yua ia rơgơi ană mơnuih pơjing rai hăng glông pơtruh nao rai jơnum ƀu djă hră pơar ăt aka ƀu tŭ mă prăk tuh pơ alin ôh. Khua jơnum min mơnuih ƀôn sang tơring čar Dak Lak, ơi Đỗ Hữu Huy, pơtrun hiăp brơi ngă djop hră pơar, pơtong rơđah pô glăm ba, ngă khua anom bruă, ĕp lăng hrơi blan pơkă amăng bruă mă kơsem min kiăng ngă giong tui tơhnal bruă jao; laih dơ̆ng brơi pơblih rơnoh prăk aka ƀu mă yua anun, pioh ba yua kơ bruă pơkŏn, hlâo kơnôl kơ 15/9.