Ƀơi mông bưp ƀô̆ mơta, pơ ala kơ khua mua amăng kơnuk kơna dêh čar, Kơ-iăng khua dêh čar ơi Lê Minh Khái mơ-it hiăp pơpŭ hiam klă hloh hăng abih bang ƀing đah kơmơi hrơi Việt Nam, ƀing đah kơmơi thâo hră mơnuih rơgơi bruă kơsem min boh thâo phrâo tơlơi kơhnâo kơhnăk.

Kơ-iăng khua dêh čar ơi Lê Minh Khái lăi pơtong: kiăng pơtrut bruă đing nao hloh pơsur ƀing adơi amai đah kơmơi, amăng anun hơmâo ƀing đah kơmơi thâo hră, rơgơi kơhnâo prăp lui bruă hrăm lu hloh, kơsem min, pơđĭ tui tơlơi thâo, ia rơgơi amăng djop mơta bruă, kiăng ngă giong bruă jao pơđĭ kyar bơwih ƀong huă kơ mơnuih mơnam amăng dêh čar, djop gưl, anom bruă, tơring čar, khul đah kơmơi mut phung ăt pơtô brơi tong ten, ngă tui Hră pơtrun jơnum ruah khua ping gah dêh čar tal 13; pok pơhai ngă tui tŭ yua sit nik hơdôm hră pơtrun, tơlơi pơčrâo ba mơ̆ng ping gah dêh čar, Ding jum kơđi čar, khul git gai ping gah pioh akŏ pơdong, pơđĭ tui tơlơi gơgrong ba mơ̆ng khul mơnuih thâo hră, rơgơi kơhnâo mă bruă djơ̆ lăp hăng anŏ pơđĭ kyar hmar hăng hơđong kjăp kơ lŏn ia amăng rơnuk phrâo.