Tal pơplông yôm phăn “120 ring bruă, bruă jao gum hrŏm đah kơmơi, ƀing čơđai ƀun rin, sang anŏ tơnap tap” đing nao hơdôm bruă djru kơ prăk kak, pơtô bruă mă, ĕp brơi bruă mă brơi ƀing đah kơmơi. Amăng mông pơphun mơguah lơ 1/3, Khul pơlir đah kơmơi tơring čar Dak Lak ăt pơphun tơbat kơtuai glông jơlan kiăng ngă hrŏm “rơwang hrơi tơjuh buh ao adai”. 

Tui anun, mơng anai truh abih lơ 8/3 pơ anăp, pơtrut pơsur ƀing apăn bruă djop gưl hăng ƀing apăn bruă đah kơmơi amăng djop anih anom buh ao adai nao mă bruă, nao jơnum…Mơng anun ngă lar hyu amăng mơnuih mơnam hăng pơtrut djă pioh, lăi pơthâo anŏ yôm mơng ao adai-Gơnam yôm amăng gru grua Việt Nam.