Tui tơlơi pơtrun mơng Khul apăn bruă Ping gah tơring čar Dak Lak, Ping gah Jơnum min djop djuai ania mơnuih mơnam hăng djop khul grup tơring čar hơmâo 9 grup Ping gah, hăng 315 čô mơnuih Ping gah. Khul apăn bruă Ping gah tơring čar ruah ơi Y Grang Gry Niê Knơng, kơ-iăng khul git gai Ping gah, Khua Jơnum min djop djuai ania mơnuih mơnam Việt Nam tơring čar, ngă Khua git gai Ping gah rơwang thun 2025-2030. Ping gah Jơnum min pơ ala mơnuih ƀôn sang tơring čar Dak Lak hơmâo 4 grup Ping gah, hăng 60 čô mơnuih Ping gah. Yă Cao Thị Hoà An, kơ-iăng Khua git gai Ping gah, Khua jơnum min pơ ala mơnuih ƀôn sang tơring čar, hơmâo ruah ngă Khua git gai Ping gah Jơnum min pơ ala mơnuih ƀôn sang tơring čar rơwang thun 2025-2030.

Hrŏm hăng anun, Khul apăn bruă Ping gah tơring čar Dak Lak pơsit pơplih anăn anom pơtô bruă Ping gah hăng pơtô ba mơnuih ƀôn sang tơring čar jing anom pơtô bruă Ping gah tơring čar, bruă jao pơphô bruă pơtô ba mơnuih ƀôn sang hơdai hơmâo jao brơi Ping gah Jơnum min djop djuai ania mơnuih mơnam hăng khul grup tơring čar. Dua Ping gah phrâo ječ ameč pơgiong tơhnal pơkă bruă mă, kah pơpha bruă jao tong ten, pơhlôm bruă pơphun hăng bruă ngă tui hruaih, na nao hăng pơhlôm brơi tŏ tui.