Dak Lak: Ba nao dor tơlang tơleh 22 čô ling tơhan pơsăn drơi Việt Nam ƀơi dêh čar Kur
Thứ năm, 13:58, 25/05/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Čơtlăm lơ 24/5, Ping gah tơring čar, Khul pơ ala mơnuih ƀôn sang, Jơnum min mơnuih ƀôn sang tơring čar, Jơnum min djop djuai ania mơnuih mơnam dêh čar Việt Nam tơring čar Dak Lak pơphun ngă Lơphet čơkă mă, ba nao dor tơlang tơleh 22 čô ling tơhan pơsăn drơi Việt Nam pơsăn drơi ƀơi dêh čar Kur.
22 čô ling tơhan pơsăn drơi anai dưi ĕp ƀuh leng kơ akă pơsit ôh anăn păn, plơi pla. Thượng tá Trịnh Ngọc Kiệm, Khua grŭp K51, Ƀirô git gai Khul ling tơhan tơring čar Dak Lak brơi thâo, tơdơi giăm hmâo 7 blan găn rơgao dlai tlô, čroh hnoh, hrom hăng tơlơi gum djru hăng gum hrom mơng gong gai, khul ling tơhan hăng mơnuih ƀôn sang tơring čar Mondulkiri, Grŭp hmâo ĕp ƀuh, tum pơƀut tơlang tơleh tơhan pơsăn drơi kiăng ba glăi lŏn drŏn ơi yă.
Truh ră anai, tơring čar Dak Lak hmâo ĕp ƀuh, kuai ba glăi tum pơƀut tơleng tơleh hmâo 719 čô ling tơhan pơsăn drơi nao gum djru hăng ƀing juăt bruă tơhan Việt Nam pơsăn drơi amăng rơnuk blah ngă găn rơgao hơdôm rơnuk ƀơi tơring čar Mondulkiri, Kur glăi pơ̆ lŏn drŏn ơi yă amĭ ama./.
Viết bình luận