Mơguah lơ 18/5, Grŭp pơtô bruă Ping gah tơring čar Dak Lak pơphun ƀơk Pri bơni pơčeh phrâo, lăi pơhư̆č tơlơi čih bôh pia, bôh thâo adôh suang, čih tơlơi pơhing lăi nao kơ “Hrăm hăng ngă tui tơlơi pơmin, pran jua, kơnuih Hồ Chí Minh”, tal I (2021-2023). Hmâo 28 mơta tơlơi čih thâo hloh hmâo mă pri amăng tal anai. Tơdơi kơ 2 thun pơphun, Pri pơčeh phrâo, lăi pơhư̆č tơlơi čih bôh pia, bôh thâo adôh suang, čih tơlơi pơhing lăi kơ Hrăm hăng ngă tui tơlơi pơmin, pran jua, kơnuih Hồ Chí Minh tơring čar Dak Lak tal 1 hmâo mă laih giăm truh 100 mơta tơlơi čih amăng rơwang pơplông hrom blung a.

Hơdôm tơlơi čih dưi pơpha jing 3 bơnah lĕ bôh pia (amăng anun tơlơi akhan ber, tơlơi pơtưh, čih ruai glăi, čih tơlơi pơhing phrâo), tơlơi adôh suang (hmâo ngă sen- ngă phim, adôh suang, kač rŭp) hăng čih tơlơi pơhing “hră in tơglit, hră pơhing rŭp). Tui hăng tơlơi pơsit mơng grŭp pơphun bruă pơplông, lu ñu tơlơi čih gum hrom leng kơ hmâo tơhnal klă, lu mơta, akô̆ tơlơi čih lu mơta, hmâo tơhnal pơtô pơhrăm yôm. Grŭp pơphun bruă pơplông ƀơk brơi 28 mơta tơlơi čih thâo hloh, hmâo sa pri A, 5 pri B, 10 pri C hăng 12 pri pơsur./.