Kơ-iăng khua pơ ala mơnuih ƀôn sang dêh čar, Thượng tướng Nguyễn Doãn Anh hrŏm hăng ƀing khua amăng ding jum, anom bruă nao lăng mông ngă yang jôk atâo ƀơi Pơsat tơhan djai pơsăn drơi tơring čar Dak Lăk. Tui hăng Khul git gai bruă hyu ĕp hăng pơsit anăn tơlang tơleh tơhan tơring čar Dak Lăk, tơdơi kơ giăm 7 blan mut amăng glai, trun nao pơ čroh hnoh pơ tơring čar Mondulkiri, čar Kur, ƀing khua, tơhan Grup K51 hơmâo ĕp ƀuh, klơi đĭ hăng ba glăi 27 per tơlang tơhan glăi pơ čar ta.

Hơdôm čô tơhan anai leng kơ ƀu thâo anăn ôh. Đại tá Đinh Văn Hưng, Khua ping gah Anom bruă khua git gai tơhan tơring čar Dak Lăk brơi thâo, bruă anai jing tơlơi gir prong biă mă mơ̆ng ƀing khua, tơhan blah ngă amăng tơring čar, biă ñu Grup tơhan K51 amăng anih anom čư̆ dong, čroh dlăm hŭi rơhyưt biă mă, tơlơi hmư̆ hing jai hrơi aset tui mơn./.